Գրեթե 90% ավելի էներգախնայող, քան սովորական լամպերը, և հասանելի ամենատարբեր դիզայններով՝ ԼԵԴ լամպերը օգտագործվում են կենցաղային, արդյունաբերական և փողոցային լուսավորության համար։

Ո՞ր տեսակի լամպերն ընտրել Երևանում և ուր գնալ Ձեր ցանկացած լուսավորության ետևից՝ պատմում ենք այս բլոգում։

ԼԵԴ Լամպերի Խանութներ Երևանում

Ստորև ներկայացված ցանկը ներառում է խանութներ, որոնք ընտրված են մասնագետների և վերանորոգում կատարած մարդկանց հարցումների վրա։ Այն կարող է փոփոխվել և թարմացվել ժամանակի ընթացքում։

Կապ հաստատեք մեզ հետ, եթե ցանկանում եք լրացումներ ու փոփոխություններ անել այս ցուցակում՝ ավելի շատ մարդկանց օգնելու համար։

Էլեկտրիկա

Հասցե՝ Վարդանանց 78
Հեռախոս՝ 098 98 09 02
Կայք՝ elektrika.am

2004 թվականին ստեղծված և հենց լուսատեխնիկայի ոլորտում մասնագիտացած ELECTRIKA ցանցը թերևս առաջարկում է ԼԵԴ լամպերի ամենալայն տեսականին Հայաստանում։ Այն պաշտոնական ներկայացուցիչն է մի շարք արտասահմանյան ընկերությունների՝ ներառյալ Gauss, Varton , AWADA, Benetti, Superlexplus, Arlight և այլերը։ Այստեղ կարող եք գտնել ինչպես հատային լամպեր՝ ստանդարտ գույների լուսավորությամբ, այնպես էլ առավել լայն տեսականի, ներառյալ՝ գունավոր ԼԵԴ լամպեր, լամպ շարիկ, լամպ ֆիլամենտ, առաստաղի մեջ ներկառուցվող, լարային և այլ լուսատուներ։

Գնումները կարող եք կատարել օնլայն՝ elektrika.am կայքից, կամ այցելելով խանութ։ Ընկերությունն իրականացնում է մանրամեծածախ վաճառք։ Հարմար է տունը վերանորոգող անհատներր և խոշոր կոմերցիոն տարածքներում ընդհանուր լուսավորության պրոյեկտ իրականացնողների համար։

Կարգին Շինանյութ

Հասցե՝ Բաշինջաղյան փող., 172 շենք
Հեռախոս՝ 077 88 09 88
Կայք՝ karginshin.am

Եթե ցանկանում եք ձեռք բերել ռուսական շուկայում բավականին հայտնի՝ iEK ԼԵԴ լամպերի տեսականին, ապա այցելեք Կարգին Շինանյութ։ Ընկերությունը հիմնականում ներկայացնում է iEK-ի արտադրանքը, որը սկզբնապես հիմնված է Տուլա և Նովոսիբիրսկ քաղաքներում, սակայն մատակարարվում է Ռուսաստանի այլ քաղաքներ ևս, ինչպես նաև Ռուսաստանի սահմաններից դուրս։

Կարգին Շինանյութը ներկայացնում է հիմնականում հատային լամպեր՝ ներքին լուսավորության համար, չնայած այն հանգամանքին, որ իր կողմից ներկայացվող iEK ապրանքանիշը լայն տեսականի է առաջարկում սպառողին՝ ներառյալ վթարային լուսավորություն։ Կարգին Շինանյութը գործում է 2003 թվականից։

Սոլար Էյ Էմ ՍՊԸ

Հասցե՝ Շիրազի փողոց, 41/2 շենք
Հեռախոս՝ 011 20 42 04
Կայք՝ solar.am

«Սոլար Էյ Էմ» ՍՊԸ-ն հիմնադրվել է 2022-ին, Երևանում։ Ընկերությունը հնարավորություն է տալիս նվազեցնել էներգետիկ ծախսերը էներգախնայողության համապարփակ լուծումների շնորհիվ: Չնայած համեմատաբար նոր լինելուն՝ «Սոլար Էյ Էմ» ՍՊԸ-ը էներգետիկայի բնագավառում առաջատար հայկական ընկերություններից է, որը մատուցում է համապարփակ լուսավորման ծառայություններ առևտրային շենքերի, բնակելի տների, փոքր և միջին ձեռնարկությունների, արդյունաբերության տարբեր ճյուղերի համար:

Ընկերությունը հուսալի խորհրդատու է, լուսավորության համակարգերի մատակարար և էներգախնայող նախագծերի իրականացնող: Զբաղվում է ԼԵԴ լամպերի մեծածախ և մանրածախ վաճառքով:

ՎԱԿ Գրուպ

Հասցե՝ Հալաբյան փող. 36/2
Հեռախոս՝ 010 34 95 20, 091 34 95 20
Կայք՝ vak.am

ՎԱԿ Գրուպը հիմնադրվել է 2002 թվականին, Երևանում: Սկզբնական շրջանում ընկերությունը զբաղվել է շինանյութի մանրածախ առևտրով: Հետագայում, ընդլայնվելով, 2004 թվականից շինանյութ է ներմուծում աշխարհի տարբեր երկրներից։ Այսօր ՎԱԿ Գրուպը ներկայանում է «Շինանյութի Աշխարհ» հարմարավետ խանութ-սրահներով մայրաքաղաքի չորս հասցեներում, որտեղ ներկայացված են ավելի քան 50.000 անվանում ապրանքատեսակ՝ ներառյալ լուսավորության սարքեր և ԼԵԴ լամպեր։

Էներգախնայող լամպերի տեսակետից, այստեղ կգտնեք առանձին լուսատու լամպեր տարբեր պարամետրերով՝ հիմնականում ներքին կենցաղային լուսավորության համար։ Առկա են նաև տարբեր չափսերի լեդ լամպեր արտաքին և ներքին լուսավորության համար։

Բեսթ Սթայլ

Հասցե՝ Վարդանանց 22/181
Հեռախոս՝ 010 55 77 38, 093 34 92 96
Կայք՝ beststyle.am

«Բեսթ Սթայլ» ընկերությունը հիմնադրվել է 2012 թվականին: Այն առաջարկում է մատչելի գնով, որակյալ ջահերի, լուսատուների, լուսամփոփների և ԼԵԴ լամպերի լայն տեսականի: Ընկերությունը զբաղվում է ԼԵԴ լամպերի մեծածախ և մանրածախ առևտրով, առաջարկում է բարձր որակ և երաշխիքային սպասարկում:

ԼԵԴ տեսականին ներկայացված է ինչպես առանձին լամպերի տեսքով, որոնք կարող եք տեղադրել Ձեր ցանկացած ջահի մեջ, այնպես էլ պատրաստի դեկորատիվ լուսատու լամպերի տեսքով։ Ընկերությունը հիմնականում ներկայացնում է Չինաստանից ներմուծված տեսականի։

Կասադել

Հասցե՝ Օգանովի փող., 7/43 շենք
Հեռախոս՝ 095 52 10 10, 098 95 10 11
Կայք՝ casadel.am

Կասադել տնտեսական ապրանքների խանութների ցանցը հիմնադրվել է 2012 թվականին, իրականացնում է և՛ մանրածախ, և՛ մեծածախ վաճառք: Այս պահին գործում են ցանցի 5 խանութներ, սակայն կարող եք նաև օգտագործել Casadel.am օնլայն հարթակը՝ ավելի հեշտ և արագ գնումների համար:

Այս պահին ցանցում կարող եք գտնել միայն հատային ԼԵԴ լամպեր՝ տարբեր դիզայններով, ներքին լուսավորության և ջահերի մեջ տեղադրելու համար։ Ներկայացվող ապրանքանիշները տարբեր երկրներից են ներմուծված։ Օրինակ կարող եք գտնել Չինաստանում արտադրվող Ctorch և El Light, Եգիպտոսում արտադրվող Promox, և այլ լամպեր։

Հրաշք Էյ Էմ

Հասցե՝ Վանթյան փ․ 61ա
Հեռախոս՝ 055 02 04 50
Կայք՝ hrashq.am

Հրաշք Էյ ԷՄ մանրամեծածախ խանութը կարող եք ներկայումս գտնել Մալաթիայի ոսկու շուկայի շենքի 4-րդ հարկում։ Այն հանդիսանում է ECOLA և REV-RITTER ԼԵԴ լամպերի, լուսատուների և ջահերի պաշտոնական ներկայացուցչիցը:

Ընկերությունը հիմնականում իրականացնում է օնլայն մեծածախ և մանրածախ վաճառք։ Այնպես որ եթե օնլայն՝ առավել հարմարավետ գնումների սիրահար եք,hrashq.am կայքը կօգնի բավականին ժամանակ խնայել: Գնված լամպերն ունեն 1-2 տարվա երաշխիք: Առկա տեսականին հարուստ է հատային լամպերով, առաստաղի մեջ ներկառուցվող շրջանաձև լամպերով, գծային լուսատուներով, և այլն։

ԼԵԴ Լամպերի Մասին

Լուսադիոդային (ԼԵԴ) լամպերն այսօր շատ լայն տարածում ունեն. կարելի է ասել, որ լուսավորության սարքեր կամ լամպեր գնող հաճախորդների ճնշող մեծամասնությունն իր նախապատվությունը տալիս է հենց այս տարբերակին։ Պատճառն էկոլոգիապես անվտանգ լինելն է, էներգախնայողությունն ու երկար ծառայության ժամկետը։

Չնայած ԼԵԴ լամպերի բավականին լայն կիրառությանը, այն ոչ ամեն տեղ կարող եք օգտագործել։ Եթե նոր ջահ եք գնել և ցանկանում եք շիկացման լամպերը փոխարինել լուսադիոդայինով, ապա պետք է իմանաք՝ ինչից սկսել և ինչպես կատարել ընտրությունը։

Ինչպե՞ս Ընտրել

Դեռևս դպրոցական տարիներից գիտենք, որ վատտը համարվում է լույսի հզորության չափման միավոր։ Հենց դրա շնորհիվ ենք կարողանում հասկանալ էներգիայի օգտագործման քանակը որևէ հստակ ջահի կամ սարքի համար։

Սակայն լուսավորության սարքերի հետ կապված ճիշտ կողմնորոշվելու համար մեզ պետք է նաև մեկ այլ չափման միավոր՝ լյումեն, որը լույսի հոսքի չափման միավորն է։ Պարզ լեզվով ասված՝ լյումենը թույլ է տալիս հասկանալ, թե տվյալ ԼԵԴ լամպը ինչ քանակի լույս է արձակում։ Ինչքան լյումենը բարձր է, այնքան տվյալ ԼԵԴ լամպն առավել պայծառ է լուսավորում տարածքը։

Գույնի Ջերմաստիճանը

ԼԵԴ Լամպերը ոչ միայն պարզապես լուսավորում, այլև դեկորի դեր են կատարում, հատկապես ճիշտ ընտրված գույնի դեպքում։ Կենցաղային նպատակով ԼԵԴ լամպեր գնելիս Ձեզ հիմնականում երեք տարբերակ կառաջարկեն՝ սպիտակ, դեղնավուն և նեյտրալ։ Ձեր ընտրած ժամանակակից ջահերի մեծ մասը կարող է ունենալ նաև լուսավորության բոլոր երեք երանգները մեկտեղ։ Սակայն ԼԵԴ լամպերի գույներն այսքանով չեն վերջանում։

Ահա, թե ԼԵԴ լամպերի գույներից յուրաքանչյուրն ինչ նշանակություն ունի՝ ըստ ընդունված կանոնների։

Կարմիր գույնն ավելացնում է ջերմությունն ու ստեղծում է հարմարավետ անկյուն լուսավորվող տարածքում։ Այն հիմնականում օգտագործվում է դեկորատիվ, ոչ առօրյա կենցաղային տարածքների լուսավորության նպատակով։
Տաք սպիտակը դեղնավուն երանգով ինտենսիվ և ձյունափայլ լույս է ճառագում, որն ընդունված է համարել ամենաբնական ու հանգիստ լուսավորություն ապահովողը։ Շատերը նույնիսկ ասում են, որ այս տեսակի լուսավորությունը կարող է տարածքում հաճախ գտնվող մարդու մոտ նվազեցնել դեպրեսիան և տխրության զգացումը։
Բնական սպիտակը չեզոք գույն է համարվում։ Այն սովորաբար օգտագործվում է տարբեր հաստատություններում, չի խեղաթյուրում լույսի ընկալումը և համարվում է ամենամոտը բնական լուսավորությանը։
Սառը սպիտակը կիրառվում է ժամանակակից հայ-թեք ոճի նախագծերում։ Այն շատ են օգտագործում այնպիսի տարածքներում, որտեղ վառ լուսավորությունը և շրջակա իրերը հստակ տեսնելը մեծ անհրաժեշտություն է, օրինակ՝ կարի արհեստանոցներում։
Սառը ցերեկային, կապտավուն լույսն օգտագործվում է ֆոտոստուդիաներում և նկարահանումների ժամանակ։

Լուսադիոդային լամպերն ընտրվում են սենյակներին համապատասխան՝ հաշվի առնելով չափերը, տարածքային նշանակությունը։ Օրինակ՝ խոհանոցի համար շատ հարմար է բնական սպիտակը, իսկ ննջասենյակի համար՝ տաք գույները դեղին կամ կարմիր երանգներով։

Ընդհանուր Խորհուրդներ

Սենյակում հարմարավետ և առողջության համար անվտանգ լուսավորություն ստեղծելու համար պետք է հաշվի առնել այս խորհուրդները։

Անպայման ուսումնասիրեք լամպերի տեխնիկական նկարագրությունը՝ հզորությունը, ցոկոլի չափը, սենյակի չափերին համապատասխանությունը, և այլն։ Եթե մասնագետ չեք, մոտենալով վաճառողին, հստակ նշեք, ինչ տարածքի համար եք փնտրում լամպ և ինչ նպատակով։ Հնարավորության դեպքում շատ կօգնի Ձեզ մոտ ունենալ լուսավորվող տարածքի հատակագիծը, որը թույլ կտա խորհրդատուներին Ձեզ տալ ճիշտ քանակի ու հզորության լամպեր, ինչպես նաև օգնել իրականացնել դրանց ճիշտ դասավորությունը տարածքում։

ԼԵԴ Լամպերի Հիմնական Առավելությունները

Բարձր Էներգետիկ Արդյունավետություն

ԼԵԴ լամպերը շատ ավելի քիչ էներգիա են ծախսում, քան սովորական լամպերը: Սա նշանակում է, որ նրանք կօգնեն ձեզ խնայել էներգիայի ծախսերը և նվազեցնել ձեր էլեկտրաէներգիայի վճարները: ԼԵԴ լամպերն ունեն բարձր արդյունավետության գործակից, ինչը թույլ է տալիս նրանց սպառած էներգիայի մեծ մասը վերածել լույսի:

Երկար Ծառայության Ժամանակ

ԼԵԴ լամպերը ունեն զգալիորեն ավելի երկար ծառայության ժամկետ՝ համեմատած ավանդական լամպերի: Սովորաբար, ԼԵԴ լամպերը կարող են ծառայել մինչև 25,000 ժամ կամ ավելի, մինչդեռ սովորական լամպերը ունեն ընդամենը 1,000-2,000 ժամ ծառայության ժամկետ: Սա նշանակում է, որ լուսադիոդային լամպերը այդքան հաճախ փոխարինման կարիք չունեն:

Անվտանգություն Էկոլոգիայի Տեսակետից

Ի տարբերություն ավանդական լամպերի՝ լուսադիոդային լամպերը չեն պարունակում սնդիկ կամ այլ վտանգավոր նյութեր, ինչը դրանք դարձնում է ավելի էկոլոգիապես մաքուր և վտանգ չի ներկայացնում շրջակա միջավայրի և մարդու առողջության համար: Բացի այդ, ԼԵԴ լամպերն ունեն ավելի ցածր ջերմային արտանետում, ինչը կարող է հատկապես օգտակար լինել այն տարածքների համար, որոնք պահանջում են ցածր ջերմային ծանրաբեռնվածություն:

Լուսային Բնութագիրների Լայն Ընտրություն

ԼԵԴ լամպերն առաջարկում են լուսային բնութագրերի լայն շրջանակ, ինչը թույլ է տալիս ընտրել օպտիմալ լուսավորություն տարբեր սենյակների համար: Դուք կարող եք ընտրել ԼԵԴ լամպեր տարբեր գունային երանգով (տաք սպիտակ, չեզոք սպիտակ, սառը սպիտակ) և լուսատվության մակարդակով՝ կախված ձեր կարիքներից: Այս ճկունությունը դարձնում է ԼԵԴ լամպերը իդեալական տան լուսավորության համար:

Ակնթարթային Միացում և Բարձր Պայծառություն

ԼԵԴ լամպերի մեկ այլ առավելությունն ակնթարթորեն միանալու և լիարժեք պայծառության հասնելու նրանց կարողությունն է, ինչը հատկապես կարևոր է այն իրավիճակներում, որտեղ ակնթարթային լուսավորություն է պահանջվում, օրինակ՝ սենյակ մտնելիս կամ լոգարանում անջատիչ միացնելիս:

Եզրակացություն

Ժամանակակից գիտության զարգացման շնորհիվ ունեք հրաշալի հնարավորություն առավել ճիշտ լուսավորելու ցանկացած տարածք։

Բարեբախտաբար, ԼԵԴ լամպերի լայն տեսականի առկա է Երևանի մասնագիտացած խանութներում, ինչը հնարավարություն է տալիս գտնել հիրավի ամենահարմար տարբերակը՝ գնային, որակական և այլ պարամետրերով։

Շատ խանութներում Ձեզ նաև կարող են օգնել ինչպես տարածք այցելելով լամպի ընտրության մասնագիտական խորհրդատվությամբ, այնպես էլ տեղադրմամբ։

Լուսադիոդային (ԼԵԴ) լամպեր. ո՞րտեղից ու ո՞ր տեսակները գնել