Նախքան լվացարան ընտրելը, պետք է հաշվի առնել բոլոր նրբությունները, որոնք կապված են դրա գտնվելու վայրի (տեղադրվելու է խոհանոցում, թե՞ լողասենյակում), մոնտաժման տարբերակի, դիզայնի և այլնի հետ: Ցանկացած լվացարանի կարևոր պարամետրը նյութն է, որից այն պատրաստված է:
Լվացաարաններն Ըստ Պատրաստման Նյութի
Կերամիկական
Լվացարանների մեծ մասը պատրաստվում են հախճապակուց կամ ճենապակուց: Արտադրության ժամանակ օգտագործվում է սպիտակ կավ (կաոլին)։ Այս տարբերակը դիմացկուն է, չի վախենում տաքությունից:
Կախված թրծման տեխնոլոգիայից և բաղադրիչների հարաբերակցությունից՝ այս լվացարանները ձեռք են բերում մի շարք հատկություններ։ Հախճապակին փխրուն է և համեմատաբար ուժեղ է կլանում խոնավությունն ու կեղտը՝ համեմատած թանկ ճենապակու: Սակայն արտաքինից դրանք չեն տարբերվում։
Կերամիկական մոդելների կառուցվածքի թերությունները վերացվում են ապակեպատման միջոցով: Ավելի էժան տարբերակները պատված են էմալով, որն ավելի քիչ դիմացկուն է։
Արհեստական Քարից Պատրաստված
Նման լվացարանները պատրաստվում են կոմպոզիտային նյութերից, որոնց բնական լցոնիչներ են ավելացվում գրանիտի և մարմարե փշուրների տեսքով: Պատրաստի արհեստական քարի լվացարանը թեթև է և տաք շոշափելիս: Անհրաժեշտության դեպքում այն կարող է վերանորոգվել։
Կոմպոզիտային մոդելներն ավելի էժան են, քան բնական անալոգները: Նրանք ոչ թունավոր են և, հետևաբար, անվտանգ են առողջության համար:
Արտաքին ակրիլային շերտը խիտ է, ինչը կանխում է սնկերի և այլ միկրոօրգանիզմների զարգացումը։ Թերություններից են՝ կենցաղային թթուների օգտագործման պարագայում արտաքին շերտի վնասվելու վտանգը, փափկությունը, որը կարելի է քերծել նույնիսկ եղունգով:
Ապակե
Արտաքինից այս լվացարանները ունեն շատ գրավիչ տեսք, որը, սակայն, պահպանելու համար անհրաժեշտ է մշտական մանրակրկիտ խնամք: Եթե արտադրության մեջ օգտագործվել է կոփված ապակի, ապա նրա մակերեսը ամուր է և դիմացկուն քերծվածքների նկատմամբ,: Այս տիպի լվացարանները ունեն բարձր գին:
Փայտե
Փայտե լվացարաննրը բավականին հետաքրքիր, բայց ոչ շատ տարածված մոդելներ են:
Առաջին պատճառը բարձր գինն է։ Փայտե լվացարանները գրեթե երկու անգամ ավելի թանկ են, քան իրենց քարե նմանակները:
Երկրորդ պատճառն այն է, որ մարդիկ կասկածում են դրանց դիմացկունությանը։ Չնայած փայտը պատված է հակասեպտիկներով և այլ պաշտպանիչ նյութերով, այն ժամանակի ընթացքում փտում է և պահանջում է վերանորոգում:
Հետևաբար, փայտե լվացարանները քիչ են հանդիպում բնակարաններում։ Հնարավոր է դրանք տեսնել թեմատիկ հյուրանոցներում, ռեստորաններում, և այլն։
Բնական Քարից
Այս տեսակի լվացարանը պատրաստվում է բնական ապարներից (գրանիտ, մարմար, և այլն)։ Քարե լվացարանները շատ դիմացկուն են մեխանիկական վնասվածքների նկատմամբ, բայց միշտ չէ, որ կարող են դիմանալ հարվածներին:
Բնական քարից պատրաստված լվացարանները ծանր են, սառը և մանրակրկիտ խնամք են պահանջում: Օգտագործման ընթացքում մակերեսը չի քերծվում և երկար ժամանակ պահպանում է իր տեսքը։
Չժանգոտող Պողպատից
Մետաղական լվացարանների առավելությունն այն է, որ դրանց կարելի է ցանկացած ձև տալ: Այս տեսակի լվացարանները երկար են ծառայում և բավականին դիմացկուն են։ Թերությունն այն է, որ չժանգոտվող պողպատից լվացարան օգտագործելիս ջրի հոսող շիթից աղմուկ է առաջանում: Նաև, անզգույշ օգտագործման դեպքում մակերևույթին կարող են առաջանալ քերծվածքներ:
Լվացարաններն Ըստ Արտաքին Տեսքի
Ներդրված
Սա սանտեխնիկա է, որը ամբողջովին թաքնված է հորիզոնական հարթության մեջ: Այն սովորաբար տեղադրվում է սեղանածածկի (столешница) մեջ, որպեսզի սեղանի մակերեսից չբարձրանա: Ներդրված լվացարանի տարբերակը հեշտ է օգտագործել: Ամբողջ ջուրը, որը հայտնվում է սեղանածածկի մակերեսին, կարելի է հեշտությամբ հեռացնել ձեռքով: Տեղադրումը ունի որոշակի բարդություններ:
Մակերևույթին Տեղադրվող
Սա համեմատաբար նոր լուծում է և բավականին ժամանակակից իր դիզայնով։ Լվացարանը տեղադրվում է անմիջապես սեղանածածկի վրա:
Հիանալի տարբերակ է լոգարանը մաքուր պահելու համար այն առումով, որ կառուցվածքը չի նախատեսում լվացարանը կահույքի հետ միացնելը, ինչը նվազագույնի է հասցնում խոնավության ներթափանցման հավանականությունը:
Այս տեսակի լվացարանը հատկապես հարմար է ընդարձակ սենյակների համար: Լվացարանի տակ հավաքվում է կահույք, որն օգտագործվում է որպես պահարան, որտեղ հարմար է օգտակար իրերը պահել։
Խողովակաշարերը լիովին թաքնված են:
Պատվանդանի Վրա Տեղադրվող
Լվացարանի այս տեսակը կոչվում է «կակաչ»: Սրանք բաղկացած են պատին ամրացված լվացարանից, որի ներքևում տեղադրվում է պատվանդան։ Այս լուծումը հնարավորություն է տալիս պատվանդանի հետևում թաքցնել ջրամատակարարման և ջրահեռացման խողովակաշարերը:
Կակաչը հարմար է դասական լոգարանների համար։ Իսկ հիմնական թերությունը խնամքի բարդության մեջ է։ Պատվանդանի և պատի միջև ընկած տարածությունը դժվարությամբ է մաքրվում, և չկա տեղ անձնական հիգիենայի պարագաներ պահելու համար:
Լինում են նաև հատակին չհասնող կարճ հենարանով մոդելներ։ Այս լվացարանի տեսակը համարվում է բավականին տարածված, քանի որ այն հեշտացնում է մաքրման գործընթացը։ Կակաչների առավելությունը նրանց ցածր գնի մեջ է։
Պատից Կախովի
Այս տեսակի լվացարանները ամրացվում են պատին, օգտագործելով պտուտակներ կամ ներկառուցված դետալներեր: Այս լվացարանների որոշ տեսակներ համալրված են լրացուցիչ թաքնված շրջանակներով՝ ամրացման հուսալիությունը բարձրացնելու նպատակով:
Որպեսզի այս տեսակի լվացարանները գեղագիտական տեսք ունենան, անհրաժեշտ է ապահովել պատի միջից դուրս եկող ջրամատակարարման և ջրահեռացման միացումների ճշգրիտ տեղակայումը: Եթե մոդելը փոքր է, անհրաժեշտ է կոսմետիկական պարագաները տեղադրելու համար այլ հարմարություն ստեղծել։
Սրանց թերությունը կայանում է նրանում, որ միացման համար անհրաժեշտ սիֆոնը համեմատաբար բարձր արժեք ունի: Եթե սովորական լվացարանները կարող են համալրվել բյուջետային պլաստիկ սիֆոնով, ապա այս դեպքում պետք է ընտրել մետաղական դետալներ: Այս լվացարանները հարմար են մինիմալիստական կամ ռետրո ոճով նախագծված սենյակների համար։
Հարթ Լվացարաններ
Սրանք ունեն ուղղանկյուն կամ օվալաձև տեսք և ցածր բարձրություն։ Ջուր հավաքելու համար կենտրոնական մասում առկա է խորացում։ Այս պարամետրերի պատճառով մոդելը օպտիմալ է փոքր սենյակների համար: Հարթ լվացարանները թողարկվում են գրանիտից, ապակուց, մարմարից, քարից և այլն: Ջուրը հավաքվում է բարդ ձևի սիֆոնի մեջ, որը ներքևից չի երևում։
Մեծ հաշվով, նման լվացարանն անհարմար է ամենօրյա օգտագործման համար։ Փոքր չափերի հետևանքով ջուրը շաղ է տրվում լվացարանի կողքերին:
Լվացարան-Սափոր
Փոքր լոգարանների համար լավագույն տարբերակ է։ Այս լվացարանները տեղադրվում են լվացքի մեքենայի վրա։ Այսինքն՝ երկու ֆունկցիոնալ օբյեկտ տեղադրվում են մեկ տեղում։
Նման լվացարանները բավականին մեծ են, ինչը պայմանավորված է լվացքի մեքենայի չափսերով: Այս տարբերակը արդիական է և ոճային տեսք ունի:
Կոյուղու միացումը գտնվում է լվացքի մեքենայի հետևում և ամբողջովին թաքնված է տեսադաշտից։
Կիսաընկղմված Լվացարաններ
Այս լվացարանները տեղադրվում են սեղանածածկի հետ միասին այնպես, որ առջևի մասը դուրս գտնվի: Սա հարմար է այն առումով, որ ջրային պրոցեդուրաներ կատարելիս ձեր ոտքերը չեն դիպչում հիգիենայի և մաքրող միջոցների պահպանման համար ներկառուցված պահարանին:
Փոքր Լոգարանների Համար Նախատեսված Լվացարաններ
Փոքր բնակարաններում լոգարանի տարածքը շատ սահմանափակ է, ինչը պետք է հաշվի առնել լոգարանը կահավորելիս: Եթե հնարավոր չէ տեղադրել սովորական չափի լվացարան, ապա պետք է ընտրել անկյունային կամ մինի լվացարան:
Առաջիններն ապահովում են տարածքի առավելագույն ռացիոնալ օգտագործում: Ֆունկցիոնալության առումով անկյունային լվացարանները չեն զիջում մյուս լվացարաններին: Այս տարբերակը կիրառելի է միայն 90° անկյունը ապահոված կատարյալ հարթ պատերով սենյակի համար:
Առավել կոմպակտ են համարվում մինի լվացարանները: Սրանք հիմնականում օգտագործվում են ձեռքերը լվանալու համար և հարմար չեն իրականացնելու համար լիարժեք հիգիենայի պրոցեդուրաներ չափերի պատճառով։ Այսինք՝ նման լվացարանի ֆունկցիոնալությունը սահմանափակ է:
Լվացարաններն Ըստ Դասական Դասակարգման
Խոսելով շուկայում առավել հաճախ հանդիպող լվացարանների մասին՝ կարելի է առանձնացնել հետևյալ տեսակները.
- ուղղանկյուն
- օվալաձև
- քառակուսի
- կլոր
Բերված օրինակները համարվում են լվացարանների ստանդարտ տեսակներ:
Առավել ժամանակակից լվացարանների մոդելները ներառում են՝
- անկյունային լվացարաններ
- երկտեղանոց լվացարաններ
- լվացարան-սեղանածածկ
Լվացարանների Տեխնիկական Հագեցվածությունը
Լվացարանի նորմալ օգտագործման համար բավական չէ գնել լվացարանն ու ծորակը: Սիֆոնը կարևոր դեր է խաղում սանտեխնիկայի նախագծման մեջ: Դրա նպատակն է կանխել կոյուղու հոտի մուտքը սենյակ: Հաճախ սիֆոնները ներառված չեն լվացարանի հետ և ձեռք են բերվում առանձին:
Սիֆոնները լինում են շշաձև և U-աձև (կորացված խողովակով):
Առաջինները պատրաստված են պլաստմասսայից կամ արույրից և ունեն հավաքովի կառուցվածք։ Դրանք կարելի է արագ քանդել, եթե արժեքավոր իր ընկնի այնտեղ կամ կեղտը հեռացնելու անհրաժեշտություն առաջանա:
Կախված տեսակից՝ լվացարանը կարող է ունենալ անցք, հավաքված ավելցուկային ջուրը հեռացնելու համար: Այդ անցքը խողովակի միջոցով միացվում է արտահոսքի համակարգին։
Մինիմալիստական լվացարանները պատրաստվում են առանց պաշտպանիչ անցքի:
Ծորակների համար անցքերը տեղակայվում են ինչպես կենտրոնում, այնպես էլ կողքից: Ստանդարտ մոդելներն ունեն միայն մեկ անցք՝ ծորակ տեղադրելու համար:
Լվացարաններն Ըստ Ոճերի
- Էկո. Հիմնական պատրաստվում են փայտից, մարմարից, գրանիտից։
- Երկրաչափական. Արտաքին տեսքից նմանակում են որևէ հստական երկրաչափական ձևի։
- Ժամանակակից. Օգտագործվում են հիմնականում կլոր կամ օվալաձև տիպի մետաղական մոդելներ։
- Սպա. Սա հայտնի ոճ է, որում օգտագործում է բնական քարերից պատրաստված հարթ լվացարաններ:
- Կոպտատաշ. Լվացարանը պատրաստվում է բնական բաղադրիչներից կամ պոլիմերային նյութերից, որոնք հաղորդում են մակերեսի կոպիտ մշակման տպավորություն։
- Մինիմալիստական. Սրանց համապատասխանում են սանտեխնիկայի ցանկացած արտադրանք, որոնք ունեն դետալների նվազագույն քանակ: Արտադրության համար օգտագործվում են ապակի, քար և այլն։
- Մարոկկոյի. Սովորաբար այս ոճի լվացարանների մետաղական մակերեսին առկա են արևելյան գեղեցիկ նախշեր, որոնք առեղծվածային տեսք և հմայք են տալիս նրանց։
- Ապակյա. Ապակե լվացարանները գրավիչ տեսք ունեն, սակայն մշտական խնամք են պահանջում: Նվազագույն աղտոտումը հստակ տեսանելի է մակերեսի վրա, ուստի ավելի լավ է անմիջապես հեռացնել այն:
Ամփոփում
Լվացարանի ոճի ընտրությունը յուրաքանչյուր մարդու ճաշակի հարց է։ Ցանկացած տարբերակ էլ կարող է գեղեցիկ տեսք ունենալ։ Գլխավորը՝ շրջապատող տարրերի հետ ներդաշնակություն գտնելն է:
