Առաստաղների տեսակների հսկայական բազմազանություն կա, ինչը նշանակում է, որ Դուք միանշանակ կարող եք գտնել Ձեր ինտերիերին հարմար տարբերակ: Բացի էսթետիկ տեսակետից, առաստաղի յուրաքանչյուր տեսակ նաև միտված է լուծելու որոշակի խնդիր. օրինակ՝ ցածր տարածքը վիզիուալ բարձրացնել, մուգ սենյակը վիզուալ առավել լուսավոր դարձնել, և այլն։
Իհարկե, ընտրության լայն հնարավորությունը սովորաբար բարդացնում է վերջնական որոշում կայացնելը գնորդի համար։ Այդ պատճառով, այս հոդվածում փորձել ենք հնարավորինս հստակեցնել առաստաղների հիմնական տեսակներն ու տարբերությունները՝ առավել հեշտ կողմնորոշվելու համար։
Այնուամենայնիվ, կարևոր է, որ Ձեր ընտրած տարբերակը հնարավորինս ունիվերսալ լինի՝ տարիների ընթացքում չձանձրացնի, չփչանա և դուրս չգա նորաձևությունից:
Պետք է նշել, որ առաստաղի ընտրությունը կախված է նաև նրանից, թե ինչ բյուջե եք հատկացրել վերանորոգման համար, որքան ժամանակ եք պատրաստ սպասել և որքան «անհարմարությունների եք պատրաստ»՝ հանուն ցանկալի արդյունքի։
Առաստաղի Ծածկույթների Հիմնական Տեսակները
Սվաղված Առաստաղներ
Այս ծածկույթը ցանկացած առաստաղի հարդարման ամենատարածված տարբերակն է: Դրա միակ թերությունն այն է, որ ջրի արտահոսքի դեպքում սվաղը արագ է փլվում և կարող է վերանորոգումը զրոյից կատարելու անհրաժեշտություն առաջանալ։
Գիպսե Սվաղ
Գիպսե սվաղը կիրառվում է ցանկացած ծածկված մակերեսի վրա՝ բետոն, աղյուս կամ փայտ: Այն ոչ միայն վերացնում է առաստաղի թերությունները, հարթեցնում է այն և քողարկում միացման կարերը, այլև կարող է ծառայել որպես հարդարման ծածկույթ կամ հիմք ներկելու համար: Սվաղը սենյակի բարձրությունից խլում է ընդամենը 2 սմ:
Բարդություն է այն, որ ներկառուցվող լամպերը չեն կարող տեղադրվել սվաղված առաստաղի վրա։ Սակայն ջահերի լայն ընտրության շնորհիվ, Դուք կարող եք լավ այլընտրանք գտնել։
Դեկորատիվ Սվաղ
Դեկորատիվ գաջը ունի գերազանց ձայնամեկուսիչ հատկություններ: Բացի այդ այս նյութի հատկությունների շնորհիվ կարելի է ստեղծել տարբեր նախշեր և ձևեր՝ առաստաղին գեղեցիկ տեսք հաղորդելու համար: Կարելի է դեկորատիվ գիպսից ստանալ նաև ամբողջական գունավոր նկարներ։
Այս տեսակի սվաղը սովորաբար պարունակում է բնական բաղադրիչներ և ծածկվող մակերեսին տալիս է օրիգինալ և ոճային տեսք: Այն էկոլոգիապես մաքուր է և անվտանգ մարդկանց, երեխաների և ընտանի կենդանիների համար: Նման ծածկույթը կարող է երկար տարիներ ծառայել:
Տան ներքին հարդարման աշխատանքների համար օգտագործվում են ակրիլային և հանքային դեկորատիվ սվաղներ։ Երկու տեսակներն էլ կարող են օգտագործվել որպես վերին ծածկույթ կամ որպես ներկի հիմք: Դեկորատիվ սվաղը կարելի է մշակել նաև լաքով, մոմով կամ փայլով։ Դա կբարձրացնի ծածկույթի խոնավադիմացկնությունը և կերկարացնի ծածկույթի ծառայության ժամկետը:
Ակրիլային սվաղը հարվածադիմացկուն և փոշին վանող ծածկույթ է: Այն լավ է դիմակայում ջերմաստիճանի փոփոխություններին և բարձր խոնավությանը, հեշտ է քսվում և արագ չորանում է։
Հանքային սվաղը նույնպես հեշտ քսվող նյութ է։ Այն պատրաստվում է գիպսից, քարից կամ կավից, չի վախենում խոնավությունից և թույլ է տալիս, որ գոլորշին թափանցի իր միջով, ուստի հարդարված մակերեսների վրա բորբոս չի առաջանում: Հանքային սվաղը դյուրավառ չէ, դիմացկուն է ջերմության նկատմամբ և կարող է դիմակայել ջերմաստիճանի փոփոխություններին:
Այն ժամանակի ընթացքում ավելի է ամրանում։
Ծեփամածիկով Սվաղ
Կախված բաղադրությունից՝ ծեփամածիկները լինում են ակրիլային, ցեմենտից, գիպսից կամ պոլիմերային։
Ակրիլային և ցեմենտային ծեփամածիկները դիմացկուն են խոնավության նկատմամբ, ուստի դրանք կարող են ընտրվել խոնավ սենյակները հարդարելու համար, ինչպիսիք են լոգարանը կամ խոհանոցը: Գիպսը և պոլիմերային ծեփամածիկը օգտագործվում են չոր սենյակներում՝ նորմալ խոնավությամբ։
Ծեփամածիկները լինում են նախնական, վերջնական և ունիվերսալ:
- Նախնական ծեփամածիկը օգտագործվում է որպես առաջին շերտ։ Այն օգտագործվում է մեծ թերությունները հարթեցնելու համար:
- Վերջնական ծեփամածիկը բարակ շերտով քսվում է նախնական ծեփամածիկի վրա՝ հարթելով անհարթությունները, որը հնարավոր չէր շտկել նախորդ փուլում: Վերջնական ծեփամածիկը պարունակում է շատ մանր հանքային փոշիներ, ինչի շնորհիվ ստացվում է ուղիղ, հարթ մակերես, որը կարելի է պատել լաքով կամ փայլով:
- Ունիվերսալ ծեփամածիկը հարմար է ինչպես թերությունները վերացնելու, այնպես էլ մակերեսը հարթեցնելու համար։ Այս ծեփամածիկը հարմար է խորը անհարթությունները հարթելու և մակերեսը հետագա հարդարման պատրաստելու համար։
Ծեփամածիկով վերջնական հարդարում խորհուրդ չի տրվում։ Ցանկալի է այն հետագայում ներկել
Ներկվող Առաստաղներ
Ավանդական տարբերակը, որը համապատասխանում է ինտերիերների մեծամասնությանը, անփայլ սպիտակ մակերեսն է: Միևնույն ժամանակ, այն պետք է լինի հարթ, առանց գծերի կամ սվաղման ձուլվածքների: Դուք պետք է ընտրեք, թե սպիտակի ո՞ր երանգն է առավել համապատասխանում Ձեր պատերի գույնին:
Նախքան ներկելը, անհրաժեշտ է առաստաղը սվաղել գաջով կամ գիպսոնիտով, որպեսզի մակերեսը հարթվի։ Այս նախնական փուլը շատ կարևոր է, քանի որ այլապես առաստաղի տակի անհավասարությունը կարող է նկատելի լինել և փչացնել տարածքի տեսքը:
Չորանալուց հետո անհրաժեշտ է սվաղել մակերեսը ծեփամածիկով, այնուհետև՝ հղկաթղթով հարթեցնել:
Կա ներկերի երկու տեսակ, որով սովորաբար աշխատում են նման առաստաղների հետ։
Առաջինը ջրային հիմքով էմուլսիան է: Սրանով կարելի է ներկել ցանկացած առաստաղ, բացի մետաղից, քանի որ ներկի ջուրը կարող է հանգեցնել մետաղի ժանգոտմանը: Բացի այդ, ջրի վրա հիմնված ներկը հարմար չէ խոնավ սենյակների, հատկապես խոհանոցների համար: Նման սենյակներում ջրի հիմնված ներկը առաստաղը դարձնում է ոչ խոնավադիմացկուն, այն արագ կլանում է մուրն ու ճարպը և կարող է ճաքել ջերմաստիճանի հանկարծակի փոփոխությունների պատճառով:
Այս պատճառով առաձնացվում են նաև ջրադիմացկուն ներկերը: Սրանք ներկվող մակերեսի վրա փուչիկներ չեն առաջացնում, հակված չեն փոշի և կեղտ կլանելուն, կարող են դիմակայել նույնիսկ թաց մաքրմանը: Միևնույն ժամանակ՝ 2-3 տարիների ընթացքում առաստաղների նման ծածկույթները սկսում են կորցնել գունային հագեցվածությունը, նույնիսկ կարող են հայտնվել ճաքեր: Այս տիպի առաստաղները սենյակի բարձրությունից խլում են մոտավորապես 2 սմ:
Առաստաղների Ձուլվածքներ (карнизы)
Գեղեցիկ և ներդաշնակ ինտերիերը բաղկացած է մանրուքներից : Շրջապատը հնարավորինս գրավիչ դարձնելու համար պետք է պատասխանատու մոտեցում ցուցաբերել բոլոր դետալների ընտրությանը, դրանց թվին են պատկանում առաստաղի ձուլվածքները: Հարդարման աշխատանքի ավարտական փուլերից է առաստաղների ձուլվածքների տեղադրումը: Դրանք լինում են պոլիուրեթանային, պոլիվինիլքլորիդե (ПВХ), փրփրապլաստից (пенопласт), փայտից կամ գիպսից:
Կախովի Առաստաղներ
Կախովի առաստաղը առաստաղի ծածկույթ է, որը ամրացվում է բազային առաստաղին՝ օգտագործելով շրջանակ: Վերջինս հավաքվում է մետաղական պրոֆիլներից, ավելի հազվադեպ նաև փայտե չորսուներից։ Կախովի առաստաղի տեղադրման ժամանակ անհրաժեշտ չէ հարթեցնել բազային առաստաղը:
Կախովի առաստաղների համար ամենատարածված նյութերից է գիպսաստվարաթուղթը: Շրջանակի շնորհիվ ազատ տարածություն կա բազային առաստաղի և հարդարման նյութի միջև: Այնտեղ կարելի է տեղադրել լուսավորության, օդափոխության խողովակների և այլ հաղորդակցությունների լարերը։
Դուք կարող եք նաև ջերմամեկուսիչ նյութ դնել միջառաստաղի տարածքում. սովորաբար՝ հանքային բուրդ և պոլիստիրոլի փրփուրի վրա հիմնված նյութեր:
Ազատ տարածությունն օգտագործվում է նաև ձայնամեկուսացման համար՝ օգտագործելով պոլիեսթեր մանրաթել, պոլիեսթեր սալիկներ, ռետինե փրփուր և կոմպոզիտային վահանակներ:
Կախովի առաստաղները սենյակի բարձրությունից խլում են առնվազն 15 սմ, ուստի դրանք չեն օգտագործվում ցածր առաստաղներով սենյակներում:
Գիպսաստվարաթուղթը այսօր վերանորոգման համար օգտագործվող ամենատարածված նյութերից մեկն է: Գիպսաստվարաթղթե առաստաղը կարելի է վերջնամշակել դեկորատիվ գիպսով կամ ներկել, իսկ խնամքը կախված է նրանից, թե ինչ վերջնական ծածկույթ եք օգտագործում:
Կախովի առաստաղները թույլ են տալիս իրականացնել բազմաթիվ բարդ գաղափարներ՝ ստանալ տարբեր կոնֆիգուրացիաներ և գույներ: Դուք կարող եք օգտագործել գիպսաստվարաթուղթ՝ եռաչափ կառույցներ ստեղծելու կամ սենյակը գոտիավորելու համար՝ օգտագործելով բարձրության տարբերությունները: Դուք կարող եք ընտրել ցանկացած լուսավորության տարբերակ՝ ջահեր կամ ներկառուցված լամպեր:
Գիպսաստվարաթղթե առաստաղի հիմնական թերությունը ջրի արտահոսքն է։ Քանի որ բազային և կախովի առաստաղների միջև գտնվող տարածությունը անտեսանելի է, տարածքի վերևի հարկից կամ կտուրից այնտեղ ջուր հայտնվելու դեպքում խնդիրը հայտնաբերվում է ուշ, երբ հավաքված ջրի քանակությունն արդեն շատ զգալի է։
Պոլիվինիլքլորիդային Առաստաղներ (ՊՎՔ-ПВХ)
ՊՎՔ-ից պատրաստված առաստաղները բյուջետային և հեշտ տեղադրվող տարբերակ են: Այս առաստաղները կարող են դիմակայել բարձր խոնավության և ջերմաստիճանի փոփոխություններին, ուստի դրանք հարմար են խոնավ սենյակների համար:
Սովորաբար նման առաստաղները կիրառվում են պատշգամբում, խոհանոցում կամ լոգարանում:
ՊՎՔ-ները արտադրվում են շերտերի կամ ուղղանկյուն սալիկների տեսքով: Դրանք ամրացվում են առաստաղին երկու եղանակով՝ օգտագործելով մետաղական կամ փայտե շրջանակ կամ պարզապես սոսնձվելով:
ՊՎՔ պանելները ներկման կարիք չունեն, դրանք կարելի է լվանալ օճառի ջրով առանց հղկող նյութեր օգտագործելու:
ՊՎՔ-ի հիմնական թերությունը փխրունությունն է. ծածկույթը հեշտ է վնասվել գործիքի միջոցով, և այն քայքայվում է ցրտից։ Այդ պատճառով, որքան էլ դա տարօրինակ հնչի ընթերցողի համար, ցանկալի է այս տեսակի պատշգամբը չօգտագործել բաց պատշգամբներում:
ՄԴՖ-ից Առաստաղներ
ՄԴՖ-ը տեղադրվում է առաստաղի վրա՝ օգտագործելով շրջանակ կամ սոսնձման միջոցով: ՄԴՖ-ի սալիկները մամլված փայտե տաշեղներ են՝ մշակված պաշտպանիչ ծածկույթով, ուստի սալիկների մեծ մասը հարմար չէ բարձր խոնավությամբ տարածքների համար (լոգարաններ կամ խոհանոցներ):
ՄԴՖ տախտակները սրբվում են լավ քամված խոնավ սպունգով: Սովորաբար նման առաստաղները ամենաթանկ տարբերակն են, քանի որ տեսողականորեն դրանք չեն տարբերվում բնական փայտից։ Օգտագործվում են հիմնականում նեոկլասիկական ինտերիերում՝ ննջասենյակների, հյուրասենյակների և գրասենյակների համար:
Ժամանակակից ինտերիերում նման առաստաղը նույնպես կարող է տեղին լինել, բայց գոտիավորման նպատակներով` խոհանոցում կամ հյուրասենյակում ճաշելու հատվածը առանձնացնելու համար:
Փայտե Առաստաղներ
Այս տեսակի առաստաղների մասին խոսելիս սկսենք նրանից, որ փայտե առաստաղներն ունեն մի շարք առավելություններ։ Օրինակ՝ դրանք պահպանում են իրենց տեսքը երկար տարիներ, երբեմն՝ տասնամյակներ: Փայտե առաստաղները դիմացկուն են և լավ համադրվում են ոչ միայն փայտե պատերի, այլև բնական քարից և գիպսաստվարաթղթից պատրաստված պատերի հետ:
Քանի որ փայտը բնական նյութ է, այն էկոլոգիապես բացարձակ անվտանգ է:
Նման առաստաղները կարելի է ներկել, լաքապատել։ Իրենց հերթին՝ ներկի ու լաքի վրա կարելի է ստանալ զարդանախշեր։ Ներկված փայտե առաստաղները հեշտությամբ մաքրվում են սովորական լվացող միջոցներով, իսկ փայլեցված առաստաղները կարող են հեշտությամբ մաքրվել փոշեկուլով:
Փայտե առաստաղների որոշ տեսակներ ընդհանրապես որևէ հատուկ խնամք չեն պահանջում: Հաշվի առնելով փայտե առաստաղի երկար սպասարկման ժամկետը՝ դրա գինը շուկայում կարելի է համարել բավականին մատչելի և արդարացված:
Փայտը գրեթե անմրցակցելի է տանը հարմարավետության մթնոլորտ ստեղծելու առումով։ Բացի այդ, փայտն ունի լավ ձայնամեկուսացում, խլացնում է աղմուկը, թուլացնում և ցրում է լամպերի ուժեղ լույսը: Փայտե ծածկույթը լավ է պահում ջերմությունը և չի փոխում իր հատկությունները ցածր ջերմաստիճաններում:
Առավելությունների հետ մեկտեղ առաստաղի այս տեսակն ունի նաև թերություններ: Փայտը չի սիրում խոնավություն և «վախենում» է մանրէներից ու բորբոսից։ Բացի այդ, չորացած փայտը շատ արագ կարող է բռնկվել։ Նշված խնդիրները մասամբ կարող են լուծվել, եթե փայտը մշակվի համապատասխան հակասեպտիկ նյութերով:
Թերություն է նաև այն, որ փայտե առաստաղով սենյակի բարձրությունը վիզուալ առումով նվազում է:
Պենոպլաստե Սալիկներով Առաստաղներ
Եթե առաստաղի վրա զգալի անհարթություններ չկան, պենոպլատե սալիկները սոսնձվում են բազային առաստաղի վրա՝ առանց նախնական նախապատրաստման։ Ճիշտ է, այս առաստաղները հարմար են փոքր բյուջե ունենալու դեպքում, սակայն պենոպլաստե սալիկները հնացած և իռացիոնալ տարբերակ են համարվում:
Սալիկների որոշ տեսակներ ունեն ծակոտկեն մակերես։ Եվ մինչդեռ դրանք չի կարելի լվանալ, այս սալիկները հեշտությամբ կլանում են ջուրը և կեղտը: Նման սալիկները խոհանոցում՝ հատկապես վառարանի վերևում, չեն սոսնձվում, քանի որ տաքացնելիս պենոպլաստն արտազատում է թունավոր նյութեր։
Կան պենոպլաստե սալիկներ, որոնք նմանակում են գիպսի կամ այլ նյութերի: Սակայն հիմնականում արտաքին տեսքից միանգամից պարզ է դառնում, որ դա իմիտիացիա է։ Ժամանակակից առաստաղների տեսակների բազմազանության մեջ՝ պենոպլաստե սալիկները լավագույն դեպքում կարող են ծառայել որպես ժամանակավոր փոխզիջումային լուծում:
Ձգվող Առաստաղներ
Ձգվող առաստաղները համեմատաբար էժան են և կարող են արագ տեղադրվել: 100 մ2 մակերեսով բնակարանում առաստաղները ձգելու համար կպահանջվի ընդամենը մի քանի օր։
Ձգվող առաստաղները տեղադրվում են բազային առաստաղից առնվազն 150-300 մմ հեռավորության վրա, ուստի դրանք բավականին խլում են սենյակի բարձրությունը: Մի կողմից, սա թերություն է, մյուս կողմից՝ հեշտ է թաքցնել լարերը և այլ հաղորդակցությունները:
Բազային առաստաղի և կախովի առաստաղների միջև օդափոխություն չկա, ուստի այդ տարածքում կարող է ձևավորվել բորբոս: Սա կարևոր է հաշվի առնել, եթե առաստաղի հիմքը պատրաստված է կրաքարից կամ փայտից: Նման նյութերը լավ կլանում են օդի խոնավությունը և արձագանքում ջերմաստիճանի տատանումներին։ Ուստի նախքան առաստաղի տեղադրելը, դրանք պետք է մշակել հատուկ նյութով, որպեսզի հեռացվի բորբոսը և պաշտպանվի դրանից հետագայում:
Եթե տեղի է ունեցել ջրի արտահոսք վերևի հարկից կամ կտուրից, ապա առաստաղի կտավը կարելի է չորացնել, և բորբոսից պաշտպանող միջոցները, որով մշակվել է բազային առաստաղը նախքան ձգվող առաստաղի տեղադրելը, կդիմանան այս փորձությանը:
ՊՎՔ-ից պատրաստված ձգվող առաստաղները լվանում են օճառի ջրով, իսկ կտորից առաստաղները խնամվում են միայն չոր մաքրմամբ: Ձգվող առաստաղները վախենում են բարձր ջերմաստիճանից և սուր առարկաներից, ուստի լամպերի համար ընտրեք նվազագույն ջերմություն արտադրող լամպեր և զգուշորեն փոխեք դրանք։
Ձգվող առաստաղները կարող են տեղադրվել գրեթե ցանկացած ինտերիերում՝ ժամանակակից (սկանդինավյան, ձեղնահարկ կամ ժամանակակից) մինչև դասական (նեոկլասիկական, Պրովանս կամ միջերկրածովյան):
Օրինակ, ձեղնահարկի ոճի համար հարմար են առաստաղի կտավները, որոնք հուսալիորեն ընդօրինակում են բետոնի հյուսվածքն ու տեսքը:
Հայելային Առաստաղներ
Հայելային առաստաղի սալիկները վերջերս ավելի ու ավելի տարածված են դարձել, և դրա համար կան բավարար պատճառներ։
Նախ, սա յուրօրիակ դիզայն է հաղորդում տարածքին, և, իհարկե, տարածքը տեսողականորեն ընդլայնում է: Վերջին կետը հատկապես կարևոր է փոքր և մութ սենյակների համար: Ի դեպ՝ կարելի է նաև հայելապատել առաստաղը ոչ ամբողջությամբ, այլ միայն դրա մի մասը։ Փոքրիկ հայելային ներդիրը առաստաղի վրա կարող է բավականին ներդաշնակ տեսք ստեղծել:
Այս առաստաղի առավելությունն է նաև ցանկացած սենյակում տեղադրելու հնարավորությունը՝ անկախ սենյակի խոնավությունից և կոնֆիգուրացիայից: Ամեն դեպքում, հայելային սալիկների առանձնահատկություններից ելնելով, խորհուրդ ենք տալիս խորհրդակցել մասնագետների հետ նախքան տեղադրումը, որպեսզի հայելային առաստաղի «կյանքը» տևի հնարավորինս երկար և առանց խնդիրների:
Հայելային առաստաղը շատ պարզ է տեղադրվում։ Յյուրաքանչյուր սալիկի հետևի մասում կա սոսինձի շերտ, որը հիանալի կերպով կպչում է ցանկացած մակերեսին՝ լինի դա գիպսակարտոն թե սվաղ: Խորհուրդ չի տրվում նման առաստաղ տեղադրելիս օգտագործել չափազանց հզոր լամպեր, քանի որ դրանք կարող են դեֆորմացնել պոլիստիրոլե սալիկները:
Հայելային առաստաղներ տեղադրելու համար անհրաժեշտ է կատարյալ հարթ մակերես: Քանի որ սա հայելի է, դրա համար անհրաժեշտ է արտացոլման ճիշտ բեկումը, որը գեղեցիկ և օրիգինալ առաստաղի բանալին է:
Հայելին փխրուն նյութ է, հետևաբար, պետք է չափազանց զգույշ լինել դրա հետ: Բացի արտաքին տեսքը փչացնելուց, ցանկացած ճաքեր առաջանալը վտանգավոր է, քանի որ հնարավոր է վնասվել հայելու փոքր և աննկատ մասնիկների վրա: Հետևաբար, չնայած նման առաստաղի խնամքը դժվար չէ (անհրաժեշտ է միայն սպունգ և օճառի մեղմ լուծույթ, կամ հատուկ նյութեր և չոր շոր), այն պահանջում է մեծ ուշադրություն և ճշգրտություն:
Եթե Ցանկանում եք Դեկոր Ավելացնել Առաստաղին
Կարծիքները տարբեր են առաստաղների մասին։ Ոմանց համար դասական սպիտակ առաստաղները մշտարդիական տարբերակ են, իսկ ոմանք համարում են դրանք չափից շատ պարզ և ուզում են ինքնատիպություն և թարմություն մտցնել տան առաստաղի հետ կապված:
Մեկ մակարդակի առաստաղի վրա նախշեր անելու համար օգտագործում են տրաֆարետային տեխնիկան, եթե անհրաժեշտ են հստակ գծեր կամ կրկնվող դեկորատիվ նախշեր:
Նաև, նախշեր ստանալու համար օգտագործվում են հատուկ դրոշմներ, որոնք պետք է թաթախել ներկի մեջ, ապա քսել մակերեսին։
Կարելի է օգտվել նաև գլանից։ Վերջինիս աշխատանքի սկզբունքը նման է դրոշմելուն, բայց գլանն աշխատում է թմբուկի վրա կտրված նախշերի միջոցով:
Բոլոր այս մեթոդնեը կիրառելու հիմնական թեությունն այն է, որ զարդանախշերի տարբերակներ, որոնք կարելի է ստանալ առաստաղի համար, այնքան էլ բազմազան չեն:
Ձեր օրգինալ մտքերը չսահմանափակելու համար կարելի է նաև առաստաղի վրա նկարել և նախշեր անել ձեռքով: Իհարկե, նախորդ բոլոր տարբերակներից սա ամենաբարդն է ու մեծ պրոֆեսիոնալիզմ է պահանջում, որպեսզի արդյունքում ստացվի նկարչություն, որն արժանի է ծախսած ժամանակին և ջանքերին:
Ամփոփում
Որ առաստաղը տեղադրել Ձեր բնակարանում, կախված է Ձեր անձնական նախասիրություններից, բյուջեից, ինտերիերի ոճից, սենյակի բարձրությունից և առաստաղի տարածքում հաղորդակցությունները թաքցնելու անհրաժեշտությունից: Ընդ որում՝ Դուք կարող եք ընտրել առաստաղի մեկ տեսակ ամբողջ տարածքի համար կամ համատեղել մի քանի լուծումներ:
Կարևոր է տարբեր սենյակների համար համապատասխան հարմար նյութերի ընտրությունը: Եթե դուք փնտրում եք արագ և առավել մատչելի տարբերակ, Ձեր ընտրությունը կարող է լինել ՊՎՔ-ից կամ ներկված առաստաղը:
Ձգվող առաստաղները տեղադրման ամենաարագ տարբերակն են. մեկ սենյականոց բնակարանում մասնագետները կարող են դա անել մեկ օրում։
Եթե ցանկանում եք բարդ գաղափար կյանքի կոչել, ունեք բարձր առաստաղներով մեծ բնակարան, կամ պետք է թաքցնել բազմաթիվ խողովակներ ու լարեր, ընտրեք գիպսաստվարաթղթից պատրաստված կախովի առաստաղներ։ Բայց այս տարբերակը ավելի թանկ է և ավելի դժվար է տեղադրել:
