2023 թվականին հիմնադրված «ԿՈՄՈ» անշարժ գույքի գործակալությունը միտված է վերափոխել ՀՀ անշարժ գույքի՝ առաջնային և երկրորդային վաճառքի շուկան։ Երևանում և Հայաստանի մարզերում մեր միջոցով վաճառվելու է հիմնականում այն անշարժ գույքը, որի վաճառքի բացառիկ իրավունքները տրված են մեր կազմակերպությանը։
Մեր նպատակն է Հայաստանում ունենալ անշարժ գույքի վաճառքով զբաղվող քաղաքակիրթ ընկերություն, որի աշխատակիցները զանգերին պատասխանում են - ալո, բարև ձեզ, Կոմո գործակալությունը ողջունում է ձեզ - և ոչ թե - բարև ախպերս մեռնեմ սրտիդ։
Մեր նպատակն է մեր հաճախորդներին և Հայաստանում անշարժ գույքի առքով, վաճառքով և վարձակալությամբ հետաքրքրվողներին ներկայացնել ՀՀ անշարժ գույքի շուկայի վերաբերյալ բոլոր օրենսդրական կարգավորումները։
Մեր նպատակն է օժանդակող նյութերի միջոցով օգնել ավելի լավ կողմնորոշվել անշարժ գույքի շուկայում և կատարել լավագույն ընտրությունը։
Մեր նպատակն է հասնել Հայաստանի հանրապետությունում անշարժ գույքի գործակալի՝ լիցենզավորված գործունեություն դառնալուն։
Մեր նպատակն է Հայաստանի անշարժ գույքի շուկայում հասնել այն իրողությանը, երբ տվյալ անշարժ գույքի վաճառքով կարող է զբաղվել միայն մեկ գործակալ։
Մեր նպատակն է վաճառվող անշարժ գույքի ցուցադրությունը կազմակերպել քաղաքակիրթ ձևով՝ նույն օրը միաժամանակ տվյալ անշարժ գույքը դիտելու հրավիրելով բոլոր ցանկացողներին։
Մեր նպատակն է լինել Հայաստանի ամենահուսալի անշարժ գույքի գործակալությունը։
«ԿՈՄՈ» անշարժ գույքի գործակալության հիմնադիրները Խաչիկ Գևորգյանը և Տիգրան Պետրոսյանն են։
Խաչիկ Գևորգյանն ու Տիգրան Պետրոսյանը նաև ԱՐՄԱԿԱԴ ընկերության հիմնադիրներն են, որի շրջանակներում արդեն տասը տարի է Հայաստանի Հանրապետությունում կազմակերպում են հայերենի, ռուսերենի և պարսկերենի դասընթացներ օտարերկրյա ուսանողների համար։