Դռների տեսակները. ո՞ր տեսակներն ընտրել և ո՞ր խանութներից օգտվել

Մուտքի դուռն ապահովություն է։ Միջսենյակային դռները էսթետիկա են և ձայնամեկուսացում։ Կոմերցիոն տարածքների դռները մեկտեղում են բոլոր վերը նշվածները և նաև ավելացնում են տարածքին ներկայանալի տեսք։ 

Ցանկացած պարագայում դռների ընտրության հարցում պետք է լինել բծախնդիր՝ ընտրելով ամուր և հուսալի տարբերակներ։ Իսկ թե որտեղից գնել դռներ Երևանում և ինչին ուշադրություն դարձնել, կգտնեք այս բլոգում։

Դռների խանութներ Երևանում

Ստորև ներկայացված ցանկը ներառում է խանութներ, որոնք ընտրված են մասնագետների և վերանորոգում կատարած մարդկանց հարցումների վրա։ Այն կարող է փոփոխվել և թարմացվել ժամանակի ընթացքում։ 

Կապ հաստատեք մեզ հետ, եթե ցանկանում եք լրացումներ ու փոփոխություններ անել այս ցուցակում՝ ավելի շատ մարդկանց օգնելու համար։ 

ԻՄԵՔՍ Գրուպ ՍՊԸ, «Իդեալ Համակարգ»

Հասցե՝ Թբիլիսյան խճ․ 25
Հեռախոս՝ 011 55 55 25
Կայք՝ shop.idealsystem.am

Խանութը ներկայացնում է հիմնականում ուկրաինական և ռուսական դռների տեսականի՝ ներառյալ մետաղական դռներ,մուտքի դռներ մետաղապլաստե դռներ, ինչպես նաև  տարբեր տեսակի միջսենյակային դռների հարուստ ընտրանի: 

Վալան Գրուպ ՍՊԸ

Հասցե՝ Նորքի 6-րդ զանգված, Բադալ Մուրադյան փող., 6/1 շենք
Հեռախոս՝ 060 27 00 77,  033 48 88 86
Կայք՝ valangroup.am

Ընկերության բազմաթիվ ապրանքատեսակների հետ մեկտեղ՝ այստեղ կարելի է պատվիրել բնակարանների մուտքի մետաղական դռսներ, միջսենյակային փայտե տարբերակներ, ինչպես նաև մետաղապլաստե, ալյումինե և ապակե դռներ։ 

Հաուզ Մաստեր ՍՊԸ

Հասցե՝ Չարենցի փող., 1 շենք
Հեռախոս՝ 010 57 46 15, 093 94 04 04

«Հաուզ Մաստեր» ՍՊԸ-ն իր գնորդներին է ներակայացնում ողջամիտ գներով և սեփական արտադրության մուտքի մետաղական և փայտե դռներ, միջսենյակային փայտե դռներ, ինչպես նաև մետաղապլաստե, ալյումինե, ալյումինե սահովի (սլայդ) և ապակե դռների տարբերակներ։ 

Արտլենպլաստ

Հասցե՝ Մամիկոնյանց փող., 48/2 շենք
Հեռախոս՝ 010 20 08 14
Կայք՝ artlenplast.com

Արտլենպլաստ ընկերությունը, որը հայտնի է իր ALP (ArtLenPlast) ապրանքանիշով, Հայաստանյան շուկայում է ավելի քան 16 տարի: Դռների տեսականի առումով՝ այստեղ կարող եք գտնել ընկերության սեփական արտադրության մուտքի բացվող և սլայդ դռներ, մետաղապլաստե, ալյումինե, ապակու դռներ, նաև ավտոմատ կառավարվող դռներ: 

Արմդեկոր ՍՊԸ

Հասցե՝ Նար-Դոսի փող., 36/14 շենք
Հեռախոս՝ 010 57 80 56,  093 57 80 56

Արմդեկոր խանութում արտադրվում են ստանդարտ չափերի դռներ, որոնք կարող եք տեղում գնել, ինչպես նաև ընդունվում են անհատական պատվերներ: Սուղ ժամանակ ու ռեսուրսներ ունեցողների համար՝ ընկերությունը նաև առաջարկում է չափագրման և դռների տեղադրման աշխատանքներ։ Այստեղ կարող եք գտնել մուտքի և միջսենյակային դռներ, երկաթյա և փայտե, միափեղկ և բազմափեղկ, տարբեր երեսապատումներով, նախշազարդ, փորագրված և այլ տիպի յուրօրինակ դռներ:

SKS Doors

Հասցե՝ Նար-Դոսի 119
Հեռախոս՝ 095 75 77 57
Կայք՝ sksdoors.com

Եթե փնտրում եք մուտքի կամ միջսենյակային դռների լայն տեսականի ամենատարբեր ծածկույթներով, ներառյալ՝ PVC, պոլիպրոպիլեն, դուբ բնական շպոն, էմալիտ, իտալական էմալ, և այլն, SKS Doors-ը առաջարկում է մեծ ընտրություն։ Այստեղ կարող եք գտնել մոտ 30,000-ից մինչև 300,000+ գնային սեգմենտի դռներ՝ կախված դիզայնից, պատրաստված նյութից, և այլն։ 

Ador Factory

Հասցե՝ Մազմանյան 1
Հեռախոս՝ 096 21 11 10, 033 21 11 17

Ador Factory-ն ներկայացնում է էսթետիկ և որակյալ, մուտքի և միջսենյակային դռների լայն տեսականի։ Խոսքը վերաբերվում է ինչպես ներմուծվող, այնպես էլ սեփական արտադրության դռներին։ Կարող եք այստեղ գտնել մուտքի մետաղական, երկաթ և փայտ կամ երկաթ և ՄԴՖ խառնուրդներից մուտքի դռներ։ Կոմերցիոն տարածքների համար կան ավտոմատ բացվող սլայդ դռներ։ Իսկ միջսենյակային տարբերակներից առկա են փայտե, փայտե վինիրային, ներկված, դելյուքս և ՄԴՖ տարբերակներ։ 

Domus

Հասցե՝ Դավիթ Անհաղթ 8
Հեռախոս՝ 012 65 76 57
Կայք՝ domus.am

Դասական դիզայնով և փայտե ծածկույթով դռներից մինչև ժամանակակից դիզայնով և լամինատե, ՄԴՖ ծածկույթով միջսենյակային և մուտքի դռների մեծ տեսականի առկա է Դոմուս խանութների ցանցում։ Բացի բուն դռներից, այստեղից կարող եք ձեռք բերել նաև դռան փեղկ, պանել, բռնակներ, փականներ, դռան սահմանափակիչներ և այլ աքսեսուարներ։ Ընկերությունը չի արտադրում դռներ, բայց ներկայացնում է մի շարք արտադրողների՝ Pokrova, PortMan, Istok և այլն։ 

Վեգա

Հասցե՝ Մազմանյան 1
Հեռախոս՝ 060 68 88 88 

Կայք՝ vega.am
Բավականին մատչելի՝ հիմնականում RDV կամ YUCCA արտադրության միջսենյակային դռներ կարելի է գտնել Վեգա խանութների ցանցից։ Կարող եք գտնել փայտյա, ՄԴՖ-ից, շպոնից և ԴՎՊ նյութից պատրաստված դռներ՝ NULL, էկո-շպոն լամինացիա, ՊՎԽ թաղանթ և այլ ծածկույթներով տարբերակներ։ 

Ո՞ր Նյութից Պատրաստված Դռներն Ընտրել

Հստակ պատասխան չկա, քանի որ ամեն ինչ կախված է թե որտեղ է դուռը լինելու (թաց սենյակները պահանջում են խոնավակայուն դռներ, մուտքի դռները պահանջում են պատրաստման ամուր նյութ)։ Ահա դռների պատրաստման մի քանի հիմնական նյութեր՝ ըստ առանձնահատկությունների։ 

Փայտե

Փայտե դռները հիանալի կերպով պահպանում են ջերմությունը սենյակում, ինչպես նաև նվազագույնի են հասցնում աղմուկի ներթափանցումը սենյակում: Եվ իհարկե, պետք է նշել փայտյա դռների գեղագիտական ​​գերազանցությունը։ Նրանք շատ առումներով գերազանցում են ժամանակակից ցանկացած նյութին: Ներկված կամ լաքապատ փայտե դռները հիանալի կերպով զուգորդվում են ցանկացած ոճի ինտերիերի հետ: Այս դռները կարող են տեղադրվել դրսում, բայց ավելի հաճախ  օգտագործվում են որպես ներսենյակային։ 

Ալյումինե

Հաճախ այս դռները տեղադրվում են հասարակական և քաղաքային շենքերում: Բայց կիրառման շրջանակը սրանով չի սահմանափակվում՝ նման դռներ օգտագործվում են նաև որպես մուտքի դուռ բնակարաններում և մասնավոր տներում:  Այս տիպի դռները հայտնի են ագրեսիվ արտաքին միջավայրերի նկատմամբ իրենց դիմադրողականությամբ։ Բացի այդ, ալյումինե դռները հրակայուն են, ունեն բարձր ջերմամեկուսիչ հատկություններ և ավելի թեթև են, քան երկաթե դռները: 

Երկաթե

Այս տեսակի դուռը տունը պաշտպանելու ամենահուսալի տարբերակներից մեկն է: Այնտեղ, որտեղ գողության հավանականությունը մեծ է, մետաղի հաստությունից, օգտագործվող կողպեքներից , պաշտպանիչ կցամասերի առկայությունից և այլ հատկանիշներից կախված՝ սա լավագույն տարբերակն է: Շատ պողպատե դռներ մշակվում են հակակոռոզիոն նյութով, իսկ դրանց արտադրության մեջ օգտագործվում է հաստ պողպատ: 

Ապակե

Ապակե դռները հնարավորություն ունեն տեսողականորեն ընդլայնել սենյակի տարածքը։ Ջերմաստիճանի տատանումները և խոնավությունը չեն ազդում դրանց որակի վրա (ի տարբերություն փայտե դռների), դիմակայում են ագրեսիվ քիմիական նյութերին, մեխանիկական վնասներին, ունեն գրավիչ տեսք, էկոլոգապես անվտանգ են։ Քանի որ ապակին հեշտ է կտրվում,  կարելի է ստեղծել ցանկացած օրիգինալ ապակե նախշ, որը կհամապատասխանի ձեր տան ինտերիերին: 

Երեսպատված (шпонированные)

Այս տիպի դռները  պատրաստվում են բնական փայտի բարակ շերտերով հիմնական դուռը երեսապատելով:  Սրա նպատակը դռներին բնական փայտի տեսք տալն է։ Երեսպատումը պատրաստում են արհեստական կամ բնական արժեքավոր փայտից, որն  ինտերիերին տալիս է բնական և «թանկարժեք» տեսք: Երեսապատումն այստեղ նույն դերն է խաղում, ինչ կահույքի պաստառապատումը: Նման երեսպատման տակ կարող է լինել ոչ թանկարժեք փայտից կամ, որպես ավելի խնայող տարբերակ, ՄԴՖ-ից պատրաստված դռան իրան: 

Մակաշերտված (լամինացված) 

Դռան շրջանակը պատրաստվում է փայտե չորսուներից։ Որպես կանոն, դրա համար օգտագործվում է փշատերև փայտ, օրինակ՝ սոճի։ Մնացյալ դատարկ տարածությունը լցվում է տարբեր նյութերով՝ ձայնա և ջերմամեկուսիչ հատկություններ դռանը հաղորդելու համար։ Արտաքին հարդարումն առավել հաճախ իրականացվում է ՄԴՖ-ով: Այնուհետև լամինատի դեկորատիվ թաղանթը տաք սեղմման միջոցով ամրացվում է ՄԴՖ-ին: 

Պլաստիկ (ՊՎՔ)

Այս տարբերակները հիմնականում պլաստիկ մուտքի, միջսենյակային կամ պատշգամբի դռներն են: Պլաստիկե դռները պատրաստվում են խուլ, մասնակի ապակեպատմամբ և ամբողջական ապակեպատմամբ: Այս դռները հերմետիկ են, ունեն խոնավությունից պաշտպանվածության ամենաբարձր մակարդակը, գումարած՝ պլաստիկ դռների գինը բավականին ողջամիտ է։ Թերություններից են՝ մի քանի տարի հետո անհրաժեշտ է յուղել ծխնիները և փականը, ինտենսիվ օգտագործման ժամանակ տարին մեկ անգամ անհրաժեշտ է մի փոքր կարգավորել դրանց,  միջինը 5 տարին մեկ անգամ ռետինե ներդիրները պետք է փոխել:

Ո՞ր Բացման Ձևով Դռներն Ընտրել

Դռան հետ մեծամասնության ասոցիացիան այն ուղղակի ձեռքով բացել-փակելն է։ Սակայն, կախված դռան տեղադրման վայրից և նշանակությունից, ունեք ավելի լայն ընտրանի՝ քան պարզապես ձեռքով, փականի օգնությամբ դուռը բացելը։

Սահող

Նման դռները ինում են մեկ փեղկանի կամ երկփեղկ և գնալով ավելի տարածված են դառնում բնակելի շենքերում և հատկապես հանրային տարածքներում (խանութներ, հիվանդանոցներ և այլն): Դրանց գործառնական հատկությունները բավականին բազմազան են. ապակին լավ է փոխանցում լույսը, դիզայնն ինքնին ժամանակակից տեսք ունի, իսկ ավտոմատ  մեխանիզմը թույլ է տալիս որոշակի թվով մարդկանց (ներառյալ հաշմանդամություն ունեցողներին) հեշտությամբ ներս մտնել առանց որևէ ջանք ներդնելու: 

Բացի այդ, դուռը բացելու այս մեթոդը թույլ է տալիս մուտքը և ելքը դարձնել անվտանգ և հիգիենիկ: Դռների ակտիվացումը սովորաբար կատարվում է շարժման սենսորների միջոցով, սակայն հնարավոր է դուռը մոնտաժել այնպես, որ միացումը իրականացվի տարբեր կոճակների միջոցով, մուտքի քարտ ընթերցող սարքով կամ կենսաչափական սարքերի միջոցով: 

Ավտոմատ դռները կարող են համալրվել «հակախուճապային» վթարային բացման համակարգով: Այս համակարգը թույլ է տալիս անցնել դռների անմիջապես լրիվ բացման ռեժիմի, ինչը թույլ է տալիս արտակարգ իրավիճակների դեպքերում առավելագույնս օգտագործել առկա բացվածքի ողջ լայնությունը։ 

Ծալովի

Կարելի է ասել, որ ծալովի դռները կարող են տեղադրվել բացարձակապես ցանկացած դռան բացվածքում: Դրանք շատ ֆունկցիոնալ են և կոմպակտ, օգնում են խնայել տարածքը և կարող են օգտագործվել նույնիսկ նեղ միջանցքներում։ 

Հիմանակնում ծալովի դռան հետ չեն լինում միջանցիկ քամուց բացվելու կամ փակվելու խնդիրներ։ Այս դռները լիովին անաղմուկ և թեթև են:Դրանք կարող են պատրաստվել ամուր փայտից, բնական փայտով պատված պլաստիկից և այլ նյութերից։ Նման դռների արտադրության մեջ կարող եք օգտագործել նաև ապակե ներդիրներ։ Ծալովի դռները կարող են լինել միայն ներքին: 

Ճոճանակային

Այս տեսակի դռները համարվում են բացվող դռների ենթատիպերից մեկը։ Հիմնական տարբերությունն այն է, որ ճոճանակային համակարգի շնորհիվ այս դռները կարող են բացվել երկու ուղղությամբ՝՝ առանց մեծ ջանքեր գործադրելու: Նման դռները կարող են ունենալ կամ մեկ կամ երկու փեղկ: 

Պտտվող

Ամենից հաճախ այս դռները տեղադրվում են հասարակական շենքերում՝ սուպերմարկետների և գրասենյակային կենտրոնների մուտքերի մոտ։ Պտտվող դռները կազմված են երեք կամ չորս փեղկերից: Մտնող յուրաքանչյուր մարդ անցնելիս  շրջանցում է կառույցի կենտրոնը՝ հիմնական առանցքը։ Պտտվող դռները կարող են լինել ավտոմատ, երբ նախապես տրված է պտտման արագությունը: Բայց ավելի հաճախ դրանք ձեռքով են կառավարվում, և յուրաքանչյուր  մտնող կարող է ինքնուրույն որոշել, թե ինչ արագությամբ պտտել այն: 

Խոնավադիմացկուն Դռներ

Միջսենյակային դռներ ընտրելիս ամենակարևոր բաներից մեկն է խոնավ սենյակներում տեղադրել խոնդավադիմացկուն դռներ։ 

Կախված դռների նյութի խոնավադիմացկունությունից, լինում են բարձր (լոգարանների) և նորմալ (միջսենյակային) խոնավադիմացկունությամբ տարբերակներ:

Դռան խոնավադիմացկունությունը կախված է նրանից, թե որքան լավ է դրա ներքին լցոնումը պաշտպանված խոնավությունից: Ամուր փայտից պատրաստված դուռը ամենաշատն է արձագանքում խոնավությանը, իսկ ԴՍՊ-ից և ՄԴՖ-ից պատրաստված դռներն ավելի կայուն են։ Խոնավ սենյակներում խորհուրդ է տրվում տեղադրել հետևյալ դռները։

• Մակաշերտված (լամինացված) դռներ. Արտադրողները պնդում են, որ նման դռները հեշտությամբ կարող են տեղադրվել մինչև 60% խոնավությամբ սենյակներում:
• Դռներ՝ ծածկված ՊՎՔ թաղանթով. Այս ծածկույթով դռները չեն վախենում խոնավությունից, կարող են մաքրվել քիմիապես ակտիվ նյութերի միջոցով և ունեն լավ մաշվաշադիմացկունություն:
• Պլաստիկե դռներ.  Համեմատաբար վերջերս շուկայում հայտնվեցին ամբողջությամբ պլաստիկից պատրաստված դռներ։ Նրանք ոչ մի ընդհանուր բան չունեն ՊՎՔ պրոֆիլներից պատրաստված դռների հետ, որոնք պատուհանի տեսք ունեն։ Սրանք ներքին պլաստիկ դռներ են, որոնք ունեն նույն տեսքը, ինչ այլ նյութերից պատրաստված այլ դռներ: Դրանք պատրաստված են էժան և դիմացկուն նյութից, որը չի վախենում սնկերից, բորբոսից և խոնավությունից: 
• Ապակե դռներ. Սա իդեալական տարբերակ  է լոգարանի համար, բայց այն ունի երկու թերություն։ Դռան փեղկը բավականին ծանր է, ինչը նշանակում է, որ այն պահանջում է բարձրորակ կցամասեր, և նման դռան գինը գերազանցում է բոլոր մյուս անալոգներին:
• Փայտե դռներ. Ընդհանրապես ընդունված է, որ փայտե դուռ չպետք է տեղադրվի բարձր խոնավությամբ սենյակներում, բայց եթե այն պատված է լավ լաքով, էմալով կամ ներկով, ապա խոնավությունը մեծ ազդեցություն չի ունենա դրա ներքին բաղադրիչների վրա։

Ամփոփում

Երբ հերթը հասնում է դռների ընտրությանը՝ ամրությունը, պատրաստման նյութն ու ձևը առավել կարևոր են քան զուտ գեղագիտական նշանակությունը։ Խոնավ սենյակներում ոչ համապատասխան նյութից դուռը կարող է շուտ ուռչել, դեֆորմացվել և շարքից դուրս գալ։ Վատ ընտրված մուտքի դուռը կարող է շատ արագ փչանալ դրսի քայքայիչ գործոններից՝ փոշի, քամի, խոնավություն, տեղումներ, և այլն։ 

Ուստի՝ նախքան դուռ ընտրելը, սկզբում հստակեցրեք ինչ պարամետրերի այն պիտի համապատասխանի, իսկ հետո արդեն առկա տեսականուց ընտրեք դիզայնը։