Արևային վահակաները (արևային պանելներ) Հայաստանում գնալով ավելի տարածված են դառնում տների սեփականատերերի և ձեռնարկությունների շրջանում: Արևային էներգիան էներգիայի վերականգնվող աղբյուր է, որը արևի լույսը վերածում է էլեկտրաէներգիայի՝ դարձնելով այն կայուն և էկոլոգիապես մաքուր տարբերակ էլեկտրաէներգիայի արտադրության համար:
Արևային մարտկոցները կլանում են արևի լույսը փոխակերպելով այն էլեկտրականության: Սա նվազեցնում է տարածքի կախվածությունը ավանդական ցանցից մատակարարվող էլեկտրաէներգիայից:
Եթե Հայաստանում եք և փնտրում եք որակյալ արևային վահանակներ, այս բլոգը կօգնի ձեզ։
«ՊՐՈՖՊԱՆԵԼ» ՍՊԸ («ՍՈԼԱՐՈՆ» արևային պանելներ)
Հասցե՝ 0026, Երևան Արշակունյաց պող., 25/1 շենք
Հեռ.` 010 44 00 55, 012 44 04 55
Ձեզ ենք ներկայացնում Հայաստանում արևային պանելներ արտադրող առաջին ընկերությունը՝ «Սոլարոն»։ Շուկայում լինելով 2016 թ.-ից և 2017թ.-ից լինելով առաջին ընկերությունը, որը ֆոտովոլտային վահանակների զանգվածային արտադրություն է իրականացնում,՝ ընկերությունն արդեն իսկ իրականացրել է մոտ 1,300 պրոյեկտներ ոչ միայն Հայաստանում, այլև դրա սահմաններից դուրս։
Արևային վահանակներն արտադրվում են հենց Երևանում գտնվող արտադրամասում, սակայն ընկերությունն ունի երկարաժամկետ գործընկերային հարաբերություններ Չինաստանի և ԵՄ-ի մի շարք կազմակերպությունների հետ։
Դուք կարող եք վստահաբար օգտվել «Սոլարոն» ընկերության արևային վահանակների արտադրությունից, քանի որ դրանք արտադրվում են իտալական հայտնի Ecoprogetti ընկերության ժամանակակից և նորարարակն հոսքագծով, ինչի արդյունքում էլ արտադրությունն ավտոմատացված է և զգալիորեն հզորացված։ Արդյունքում, «Սոլարոն»-ից գնած վահանակներն ունեն 12 տարի գործարանային և 25 տարի արտադրողականության երաշխիք։
«Արփի Սոլար» ՍՊԸ
Հասցե՝ 0054, Երևան Դավթաշեն, 3-րդ թաղամաս, 12/3 շենք
Հեռ.` 011 20 80 86, 095 20 80 86, 098 21 80 86
«Արփի Սոլար» ընկերությունը տեղական շուկայում է 2012 թ.-ից սկսած։ Ընկերության ծառայությունները հասանելի են Հայաստանի բոլոր մարզերում՝ հաջողությամբ սպասարկելով բնակելի, կոմերցիոն, արդյունաբերական և մունիցիպալ սեկտորների պրոյեկտներ։
Արևային վահանակների արտադրության գործընթացում ընկերությունն օգտագործում է բարձրորակ ապրանքներ և բաղադրիչներ, որոնք ներմուծում է աշխարհի տարբեր անկյունների առաջատար արտադրողներից։ Այդ պատճառով էլ «Արփի Սոլար»-ի արևային վահանակները ապահովում են առավելագույն քանակի էներգիա հնարավոր երկար ժամանակահատվածի համար։
«ԴՎ Ինվեստ» ՍՊԸ (Eco Step)
Հասցե՝ 0076, Երևան Նոր Նորքի 4-րդ զանգված, Գայի պող., 51 շենք, տարածք 46
Հեռ.` Հեռ. 077 38 83 38
Այլընտրանքային էներգետիկայի ոլորտում մասնագիտացած այս ընկերությունը մատուցում է ծառայություններ անհատներին և կորպորատիվ հաճախորդներին։ Այն լիցենզավորված ընկերություն է և ներկայացնում է մի շարք հանրահայտ բրենդեր Հայաստանում։
Eco Step ընկերության կողմից արևային վահանակների տեղադրման գործընթացն իրականացվում է բարձր պրոֆեսիոնալիզմով։ Տեղադրվում է իմպուլսային պաշտպանություն, հաստատուն և փոփոխական հոսանքի պաշտպանական համակարգ, ինչպես նաև կատարվում է հողանցում։
Տեղադրման բոլոր կանոնների նկատմամբ հետևողական մոտեցումն օգնում է, որ վահանակները ծառայեն երկար և անխնդիր։
«Սոլար ԷՍՍ» ՍՊԸ
Հասցե՝ Երևան, Կորյունի 8/4
Հեռ.` Հեռ. 043 10 00 07, 011 56 08 00
Այս ընկերությանը կարող եք դիմել արևային էներգիայի կիրառման ոլորտում տարատեսակ ծառայությունների համար, որոնք ներառում են արևային ջրատաքացուցիչների, ջեռուցման համակարգերի, արևային պանելներների տեղադրում:
Սոլար ԷՍՍ ընկերությունն առաջարկում է պոլիկրիստալ և մոնոկրիստալ, ֆոտովոլտային պանելներ սկսած 200Վ-ից։ Կարող եք օգտագործել դրանք ինչպես շենք-շինությունների, այնպես էլ արտադրական և այլ նպատակների համար։ Կարող եք նաև ջեռք բերել 100 լիտրից սկսած՝ ճնշումային, ոչ ճնշումային և համակցված արևային ջրատաքացուցիչներ։
«Շտիգեն» ՍՊԸ
Հասցե՝ Երևան, Դավիթ Անհաղթի փողոց, 23/6 շենք, տարածք 6
Հեռ.` Հեռ. 011 23 00 23, 043 23 00 40
Արևային վահանակներ գնելիս վստահաբար կարելի է վստահել այն ընկերությանը, որը սպասարկում է տարածաշրջանի խոշորագույն արևային ջերմային կայանը՝ Grand Sport, և ՀՀ խոշորագույն արևային էլեկտրակայանները՝ Green Energy, ArSun, Solar5։ Բացի արևային վահանակներից, ընկերությունն առաջարկում է նաև ջրատաքացուցիչներ, գեներատորներ, ջեռուցման և հովացման համակարգեր, օֆի ֆիլտրման և վիրուսազերծման սարքեր։
Արևային Վահանակների Մասին՝ Ավելի Մանրամասն
Արևային մարտկոցները ֆոտոգալվանային բջիջներից բաղկացած սարքերն են։ Այդ բջիջները պատրաստվում են սիլիցիումից։ Երբ արևի ճառագայթներն ընկում են նշված բջիջների վրա, առաջանում է էլեկտրոնների հոսք՝ իր հետ առաջացնելով էլեկտրական հոսանք։
Այդ հոսանքը դառնում է տան սնուցման համար հարմար հոսանք փոխակերպիչի միջոցով։ Առաջացած էլեկտրական հոսանքը տեղափոխվում է դեպի փոխակերպիչ, որտեղ վահանակի կողմից արտադրված ուղղակի հոսանքը դառնում է փոխարինող հոսանք։ Հենց վերջինս էլ օգտագործվում է տունը կամ այլ շինությունը հոսանքով մատակարարելու համար։
Արևային վահանակները բաժանվում են երկու մեծ խմբի/
Միաբյուրեղային Վահանակներ
Այս տեսակի վահանակ ստանալու համար օգտագործվում է միաբյուրեղ սերմ, որը ստացվում է բնական կամ լաբորատոր եղանակով։ Միաբյուրեղ սերմը թույլ է տալիս վահանակին հաղորդել ավելի համասեռ ու հարթ տեսք՝ համեմատած բազմաբյուրեղ տեսակի։
Բազմաբյուրեղային Վահանակներ
Բազմաբյուրեղ վահանակները բյուրեղի տարբեր քանակներից են պատրաստվում։ Բյուրեղային հատիկները հավաքվում էն հալոցքային սիլիկոնի մեջ և սպասում մինչ հովանալը։ Ձուլման այս մեթոդի արդյունքում մակերեսի վրա առաջանում են որոշ մանր բյուրեղներ, ինչի արդյունքում մակերեսն այլևս չի լինում հարթ և միասեռ։
Միաբյուրեղային Վահանակների Առավելությունները
Միաբյուրեղ արևային վահանակներն ունեն արդյունավետության 15-20% ցուցանիշ՝ համեմատած բազմաբյուրեղ վահանակների 13-16% էֆեկտիվության ցուցանիշի։ Սրա հիմնական պատճառը սիլիկոնի մաքրության տարբեր աստիճանն է, որն առավել բարձր է միաբյուրեղ կառոըցվածի դեպքում։ Նշվածից բխում է նաև միաբյուրեղ արևային պանելների տարածք խնայելու հնարավորությունը։ Ունենալով առավել բարձր էներգաարդյունավետություն, միաբյուրեղ վահանակների առավել քիչ քանակ տեղադրելով կարող եք ստանալ նույն էներգիայի ծավալը, որը հնարավոր է ստանալ առավել շատ տեղադրված բազմաբյուրեղ պանելներով։
Հաջորդիվ կարևոր է նշել միաբյուրեղ վահանակների ծառայության առավել երկար ժամկետը։ Արտադրողները սովորաբար երաշխավորում են մինչ 25 տարվա անխափան աշխատանք։
Հաշվի առնելով նշված առավելություններն, իհարկե, կարելի է պատկերացնել, որ բազմաբյուրեղ արևային պանելներն առավել մատչելի են։
Ո՞րտեղ է Առավել Նպատակահարմար Տեղադրել Արևային Պանելներ
Բարեբախտաբար, մեր հայրենիքը հրաշալի նախադրյալներ ունի արևային պանելների տեղադրման համար։ Հայաստանի բնակլիմայական պայմանները մեզ նվիրում են տարվա կտրվածքով մինչև 300 արևային օր, ինչը նշանակում է տեղադրված արևային վահանակը կարող է գեներացնել բավարար էլէկտրաէներգիա։
Անցնելով առաջ՝ պետք է անպայման հաշվի առնել պանելի ուղղությունն ու թեքվածությունը։ Արևային վահանակի ամենաօպտիմալ արտադրողականությունը դեպի հարավ թեքության պարագայում է։ Ընդ որում՝ վահանակներ կարելի է տեղադրել ինչպես շինության տանիքին, այնպես էլ պարզապես գետնին՝ դատարկ տարածության վրա։
Մասնագետները Ձեզ կօգնեն ճիշտ ընտրել արևային վահանակի տեղադրման վայրը։ Ցանկալի է, որ այն ունենա բավարար լույսի հասանելիություն՝ մոտակա կառույցների ստվերները կամ ծառերը չստվերեն այն։
Ամփոփում. Ինչու՞ Տեղադրել Արևային Պանելներ
Իհարկե, ֆինանսական կոմպոնենտն առաջնային պատճառներից մեկն է։ Դուք զգալիորեն կկրճատեք էլեկտրաէներգիայի վճարները, որը, երկարաժամկետում, հետ կգնի արևային վահանակի կամ ջրատաքացուցիչի ձեռքբերման համար արված ծախսը։
Բացի զուտ ֆինանսական հաշվարկներից, կարևոր է գիտակցել նաև արևային վահանակի բնապահպանական առավելությունները։ Արևային պանելներն արտադրում են էներգիայի մաքուր ու վերականգնվող աղբյուրներ։ Դրանք չեն առաջացնում գազերի արտանետումներ, նվազենում են ածխածնի հետքը մոլորակում և պահպանում են շրջակա միջավայրն առավել մաքուր վիճակում։
Ունենալով էլեկտրաէներգիայի ստացման սեփական «միջոց»՝ դուք նաև առավել քիչ եք կախված լինում էներգիայի ավանդական աղբյուրներից։ Օրինակ՝ էլեկտրաէներգիայի մատակարարման խափանումների դեպքում դուք առավել քիչ կտուժեք։