Գնահատողի մասնագիտական որակավորման քննություն

Պատվիրատուի կամ շահառուի պահանջով թույլատրվում է հողամասի արժեքի որոշում` վերջինս դիտարկելով որպես չկառուցապատված հողամաս, այսինքն` առանց բարելավումների:

Անշարժ գույքի բաղկացուցիչ մասի գնահատում իրականացնելիս անհրաժեշտ է առաջադրված պայմանները ամրագրել գնահատման առաջադրանքում և գնահատման հաշվետվությունում:

Անշարժ գույքի բաղկացուցիչ մասի գնահատման ժամանակ գնահատողը պետք է առաջնորդվի գնահատման առաջադրանքում սահմանված պահանջներով և գնահատումն իրականացնի անշարժ գույքի գնահատման ստանդարտի մոտեցումների և մեթոդների կիրառմամբ:

Գրավադրման նպատակով գնահատվում է անշարժ գույքի շուկայական արժեքը:

Շահառուի (գրավառուի) կամ պատվիրատուի պահանջով գրավադրման նպատակով կարող է գնահատվել նաև անշարժ գույքի լիկվիդային արժեքը:

Գնահատվող անշարժ գույքի նկատմամբ իրավունքների պետական գրանցման փաստաթղթի բացակայության փաստը պետք է հստակ արտացոլվի գնահատման առաջադրանքում և գնահատման հաշվետվությունում:

Իրավունքների պետական գրանցում չստացած անշարժ գույքի նկատմամբ գնահատման ենթակա իրավունքի տեսակն առաջադրվում է պատվիրատուի կամ շահառուի կողմից և գնահատումն իրականացվում է` հիմնվելով առաջադրված իրավունքների տեսակի վրա: Այսինքն, տվյալ գնահատման գործընթացը իրականացնելիս գնահատողը որպես գնահատվող իրավունք դիտարկում է պատվիրատուի կամ շահառուի կողմից առաջադրված իրավունքի տեսակը:

Անշարժ գույքի հատակագծերը, քանակական և որակական տվյալները պարտադիր արտացոլվում են գնահատման հաշվետվությունում և կազմում են դրա անբաժանելի մասը:

Կառուցապատման ընթացքում գտնվող անշարժ գույք են համարվում այն օբյեկտները, որոնք գնահատման ամսաթվի դրությամբ, գույքի լավագույն և առավել արդյունավետ օգտագործումն ապահովելու նպատակով, գտնվում են կառուցապատման կամ վերակառուցման ընթացքում, ինչպես նաև այն օբյետկտները որոնք ունեն համապատասխան քաղաքաշինական գործող փաստաթղթեր:

Շինարարության, վերակառուցման, բարելավման, կամ ձևափոխման ընթացքում գտնվող անշարժ գույքը

Չկառուցապատված հողամասերը, որոնց նկատմամբ հաստատված են «Քաղաքաշինության մասին» օրենքի 22.1-ին հոդվածով սահմանված ճարտարապետահատակագծային առաջադրանքը

Չկառուցապատված հողամասերը, որոց նկատմամբ հաստատված են «Քաղաքաշինության մասին» օրենքի 23- րդ հոդվածով սահմանված շինարարության թույլտվությունը:

Առաջարկվող նախագծերի ֆինանսական արդյունավետության որոշման նպատակով:

Անշարժ գույքի ձեռքբերման և վարկավորման գործարքների նպատակով իրականացվող խորհրդատվական գործառույնթների համար:

Հարկային, ֆինանսական հաշվետվությունների նպատակներով, ինչպես նաև դատավարական գործընթաների համար:

կա արդյոք շուկա շինարարության ենթադրյալ օբյեկտի համար

արդյոք ենթադրվող շինարարությունը հանդես է գալիս որպես անշարժ գույքի առավել արդյունավետ օգտագործման տեսակ ընթացիկ շուկայում

արդյոք առկա են այլ ոչ ֆինանսական պարտավորություններ, որոնք պետք է դիտարկվեն (քաղաքական կամ սոցիալական չափանիշներ)

օրենքով սահմանված թույլտվություններ կամ գոտիավորում, ներառյալ թույլատրելի շինարարության առնչությամբ ցանկացած պայման կամ սահմանափակում

մասնավոր պայմանագրով նախատեսված համապատասխան իրավունքների վրա դրվող սահմանափակումներ, ծանրաբեռնվածություն կամ պայմաններ

հանրային ճանապարհների կամ այլ հասարակական վայրերի հասանելիության իրավունք

գեոտեխնիկական պայմաններ, ներառյալ աղտոտման կամ այլ բնապահպանական ռիսկերի հավանականությունը

անհրաժեշտ կոմունալ ծառայություններ և դրանց տրամադրման կամ բարելավման պահանջներ, օրինակ՝ ջրամատակարարում, կոյուղագիծ և էլեկտրամատակարարում

շինհրապարակից դուրս գտնվող ենթակառուցվածքների բարելավման անհրաժեշտություն և այդ աշխատանքների իրականացման համար անհրաժեշտ իրավունք

ցանկացած հնագիտական սահմանափակումներ կամ հնագիտական ուսումնասիրության անհրաժեշտություն