Պատրաստվեք ռիելթորի մասնագիտական որակավորման քննությանը․ ուսումնասիրեք պաշտոնական հարցաշարը, KOMO-ի կազմած ուսումնական պատասխաններն ու դրանց իրավական աղբյուրները և անցեք 100 պատահական ընտրված հարցերից կազմված փորձնական թեստ։
Հարցաշար և ուսումնական պատասխաններ
804 հարց · Էջ 1 / 33
#1«ՌԻԵԼԹՈՐԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՀՀ ՕՐԵՆՔ
Ո՞րն է «Ռիելթորական գործունեության մասին» օրենքի կարգավորման առարկան
ՃԻՇՏ ՊԱՏԱՍԽԱՆ
Սույն օրենքը սահմանում է Հայաստանի Հանրապետությունում ռիելթորական գործունեության իրականացման կարգը և պայմանները, ինչպես նաև կանոնակարգում է ռիելթորական գործունեությանն առնչվող հարաբերությունները:
ռիելթորական ծառայություններ՝ անշարժ գույքի և դրա նկատմամբ առկա գույքային իրավունքների օտարման, վարձակալության հետ կապված գործարքների կնքման համար իրականացվող միջնորդավորված ծառայություններ, ինչպես նաև անշարժ գույքի և դրա նկատմամբ առկա գույքային իրավունքների աճուրդների և մրցույթների կազմակերպում, անշարժ գույքի կառավարում.
ռիելթորական կազմակերպություն՝ իրավաբանական անձ, որն իրականացնում է ռիելթորական գործունեություն և սույն օրենքով սահմանված կարգով հաշվառված է լիազոր մարմնում.
ռիելթոր՝ ֆիզիկական անձ, որն ունի ռիելթորի որակավորման գործող վկայական, հաշվառված է լիազոր մարմնում և սույն օրենքով սահմանված կարգով ռիելթորական կազմակերպության անունից, իսկ անհատ ձեռնարկատեր լինելու դեպքում իր անունից մատուցում է ռիելթորական ծառայություններ.
անշարժ գույքի կառավարման ծառայություն՝ անշարժ գույքի կառավարչի միջոցով՝ պայմանագրով սահմանված որոշակի ժամկետում անշարժ գույքի հատուցելի շահագործման հետ կապված ծառայությունների մատուցում, գույքի կառավարումից ստացված եկամուտների փոխանցում սեփականատիրոջը, գույքի գովազդում անշարժ գույքի կառավարման շրջանակում, գույքի վերանորոգում և գույքի պահպանման իրականացում ի շահ գույքի սեփականատիրոջ, բացառությամբ կառուցապատման իրականացման.
անշարժ գույքի կառավարիչ՝ ֆիզիկական անձ, որը սույն օրենքով սահմանված կարգով հաշվառված է լիազոր մարմնում և սույն օրենքով սահմանված կարգով անշարժ գույքի կառավարման կազմակերպության անունից, իսկ անհատ ձեռնարկատեր լինելու դեպքում իր անունից մատուցում է անշարժ գույքի կառավարման ծառայություններ.
անշարժ գույքի կառավարման կազմակերպություն՝ իրավաբանական անձ, որն իրականացնում է անշարժ գույքի կառավարման ծառայություններ և սույն օրենքով սահմանված կարգով հաշվառված է լիազոր մարմնում.
«Ռիելթորական գործունեության մասին» օրենքի համաձայն՝ ո՞վ է հանդիսանում պատվիրատու
ՃԻՇՏ ՊԱՏԱՍԽԱՆ
պատվիրատու՝ ֆիզիկական, իրավաբանական անձ կամ անհատ ձեռնարկատեր, որը պայմանագիր է կնքել ռիելթորական կազմակերպության կամ անշարժ գույքի կառավարման կազմակերպության կամ անհատ ձեռնարկատեր հանդիսացող ռիելթորի կամ անհատ ձեռնարկատեր հանդիսացող անշարժ գույքի կառավարչի հետ նրա կողմից ռիելթորական կամ անշարժ գույքի կառավարման ծառայությունների մատուցման համար.
Ռիելթորական ծառայությունների մատուցման պայմանագիրը՝
ՃԻՇՏ ՊԱՏԱՍԽԱՆ
ռիելթորական ծառայությունների մատուցման պայմանագիր՝ պատվիրատուի և անհատ ձեռնարկատեր հանդիսացող ռիելթորի կամ ռիելթորական կազմակերպության միջև վճարովի ծառայությունների մատուցման գրավոր կնքված պայմանագիր, որի առարկան անշարժ գույքի հետ կապված՝ սույն օրենքով սահմանված ռիելթորական ծառայությունների մատուցումն է.
ռիելթորի որակավորման վկայական (այսուհետ նաև՝ որակավորման վկայական)՝ լիազոր մարմնի տված էլեկտրոնային փաստաթուղթ, որը հավաստում է, որ ֆիզիկական անձը հաղթահարել է լիազոր մարմնի անցկացրած ռիելթորի որակավորման քննությունը.
«Ռիելթորական գործունեության մասին» օրենքի համաձայն՝ որակավորման հանձնաժողովը՝
ՃԻՇՏ ՊԱՏԱՍԽԱՆ
որակավորման հանձնաժողով՝ լիազոր մարմնի կազմում գործող՝ Հայաստանի Հանրապետության տարածքում ռիելթորական գործունեության ոլորտում մասնագիտական որակավորման քննություններ անցկացնող, այդ թվում՝ որակավորման քննությունների հարցաշարեր, առաջադրվող հարցեր կազմող հանձնաժողով.
միասնական տեղեկատվական համակարգ՝ լիազոր մարմնի ներդրած՝ առցանց գործող վճարովի տեղեկատվական համակարգ, որն ապահովում է անշարժ գույքի վաճառքի կայքերի հետ փոխգործելիություն, և որտեղ մուտքագրվում են ֆիզիկական և իրավաբանական անձանց սեփականության իրավունքով պատկանող, օտարման առարկա հանդիսացող, ինչպես նաև ռիելթորական, անշարժ գույքի կառավարման ծառայությունների մատուցման առարկա հանդիսացող անշարժ գույքերի վերաբերյալ տվյալներ և դրանց գործարքների և պատվիրատուի վերաբերյալ տեղեկատվություն.
էսքրոու հաշիվ՝ Հայաստանի Հանրապետության քաղաքացիական օրենսգրքով սահմանված հատուկ բանկային հաշիվ, որով իրականացվում են սույն օրենքով սահմանված՝ անշարժ գույքի կառավարման ծառայությունների մատուցման դիմաց անշարժ գույքի կառավարչին վճարվող վճարների, անշարժ գույքի կառավարումից բխող բոլոր գործարքների հետ կապված վճարումների, այդ ծառայությունների մատուցման արդյունքով պատվիրատուին փոխանցման ենթակա եկամուտների, ռիելթորական կազմակերպություններին, ռիելթորներին (այդ թվում՝ անհատ ձեռնարկատեր հանդիսացող) փոխանցվող կանխավճարների, ծառայությունների վճարների, ինչպես նաև սույն օրենքով սահմանված՝ ռիելթորական կազմակերպության կողմից անշարժ գույքի և դրա նկատմամբ առկա գույքային իրավունքների աճուրդների և մրցույթների կանխավճարների փոխանցումները․
«Ռիելթորական գործունեության մասին» օրենքի համաձայն՝ մասնագիտական հանձնաժողովը՝
ՃԻՇՏ ՊԱՏԱՍԽԱՆ
մասնագիտական հանձնաժողով՝ Հայաստանի Հանրապետության տարածքում ռիելթորական, անշարժ գույքի կառավարման գործունեության ուսումնասիրություն իրականացնող, ռիելթորական, անշարժ գույքի կառավարման կազմակերպությունների, ռիելթորների և անշարժ գույքի կառավարիչների կողմից սույն օրենքի, այլ նորմատիվ իրավական ակտերի պահանջների կատարման վերաբերյալ եզրակացություն տրամադրող հանձնաժողով, որի միջոցով լիազոր մարմինը վերահսկողություն է իրականացնում ռիելթորական, անշարժ գույքի կառավարման գործունեության նկատմամբ.
Սույն օրենքի իմաստով ռիելթորական գործունեության սուբյեկտ են համարվում սույն օրենքով սահմանված կարգով լիազոր մարմնում հաշվառված ռիելթորական կազմակերպությունները, անշարժ գույքի կառավարման կազմակերպությունները, ռիելթորները և անշարժ գույքի կառավարիչները, այդ թվում՝ անհատ ձեռնարկատեր հանդիսացող:
Միասնական տեղեկատվական համակարգի օգտատերերն են ֆիզիկական և իրավաբանական անձինք, ռիելթորական և անշարժ գույքի կառավարման կազմակերպությունները, ռիելթորները (այդ թվում՝ անհատ ձեռնարկատեր հանդիսացող) և անշարժ գույքի կառավարիչները (այդ թվում՝ անհատ ձեռնարկատեր հանդիսացող):
Միասնական տեղեկատվական համակարգ պարտադիր մուտքագրման ենթակա են՝
ՃԻՇՏ ՊԱՏԱՍԽԱՆ
Օրենքով սահմանված ծառայությունների և կառավարման շրջանակի պայմանագրերը, գույքի նույնականացման, գնի, կողմերի և պայմանագրի տվյալները, իսկ ինքնուրույն օտարող սեփականատիրոջ դեպքում՝ հոդված 5-ի 5-րդ մասի տվյալները։
Բացատրություն և իրավական հիմք
Միասնական տեղեկատվական համակարգ պարտադիր մուտքագրման ենթակա են սույն օրենքով սահմանված ռիելթորական կամ անշարժ գույքի կառավարման ծառայությունների մատուցման պայմանագրերը, անշարժ գույքի կառավարման շրջանակում անշարժ գույքի կառավարչի կնքած պայմանագրերը, այդ թվում՝ նշված պայմանագրերի առարկա հանդիսացող անշարժ գույքերի նույնականացման տվյալները (հասցեն, կադաստրային ծածկագիրը, մակերեսը), օտարման, վարձակալության կամ շահագործման գնի, ռիելթորական կամ անշարժ գույքի կառավարման ծառայություններ մատուցողի, պատվիրատուի վերաբերյալ տեղեկությունները, հեռախոսահամարը, էլեկտրոնային փոստի հասցեն և ռիելթորական կամ անշարժ գույքի կառավարման ծառայությունների մատուցման պայմանագրի վերաբերյալ տվյալները՝ կնքման տարին, ամիսը, ամսաթիվը, գործողության ժամկետը, իսկ անշարժ գույքի սեփականատեր հանդիսացող ֆիզիկական և իրավաբանական անձանց կողմից սեփականության իրավունքով իրենց պատկանող անշարժ գույքի ինքնուրույն օտարման դեպքերում՝ սույն հոդվածի 5-րդ մասով սահմանված տվյալները: Սույն մասով սահմանված պարտադիր մուտքագրման ենթակա պայմանագրերը և տվյալները միասնական տեղեկատվական համակարգ սույն օրենքով սահմանված կարգով և ժամկետներում չմուտքագրելը հանգեցնում է ռիելթորական կամ անշարժ գույքի կառավարման ծառայությունների մատուցման, ինչպես նաև անշարժ գույքի կառավարման շրջանակում անշարժ գույքի կառավարչի կնքած պայմանագրերի անվավերության: Նման պայմանագրերն առ ոչինչ են: