Այս տունը ունի երկկողմանի մուտք Զարոբյան փողոցից և վերևի կողմից անմիջապես այն շենքի դիմացից, որտեղ երկար տարիներ ապրել է Կարեն Դեմիրճյանը։ Շենքը փուլերով կառուցվել է 1950-2000-ական թվականներին։ 1950-ական թվականներին քաղաքի այս հատվածում եղել է մեծ այգի ու այս տան հիմքում այդ այգու մեջ գտնվող մեկ հարկանի տունն է, որն իր վերջնական՝ եռահարկ այս տեսքը ստացել է 1999-2000 թվականներին։ Ինչպես տեսնում եք 1980-ականների վերջի և 1990-ականների սկզբի նախագծերից, որոնց նկարները կցված են ներքևում, այս տան նոր նախագծի վրա 1990-ականներին աշխատել է ճարտարապետ, պրոֆեսոր Հրաչյա Պողոսյանը։ Տուն իր այս վերջնական տեսքը ձեռք է բերել 1999-2000 թվականներին։ Վաճառվող այս տան նոր սեփականատերը տանն ու հարակից բակում լայնածավալ շինարարական աշխատանքներ է սկսել և ցանկություն ունի տարածքը դարձնել Երևանի Կենտրոնի գեղեցկագույն վայրերից մեկը։ Մեր բանակցությունների արդյունքում սեփականատիրոջ հետ հանգել ենք այն արդյունքին, որ կարելի է նաև վաճառել այս տունն իր հարակից մեծ բակով և վաճառքի ամբողջ գործընթացով զբաղվելու է ԿՈՄՈ գործակալությունը։
Այս տունն ի սկզբանե պատկանել է Մանուկյան ազգանունով մի մարդու, ով այն ժառանգել է իր երկու որդիներին։ Երկու եղբայրները 1993 թվականին դիմում են Հայաստանի Հանրապետության համապատասխան մարմիններին տունն ու հարակից բակը երկու մասերի՝ յուրաքանչյուրն իր առանձնացված բակով ու մուտքերով, կիսելու խնդրանքով, ինչը բավարարվում է։
2024 թվականի փետրվարի 8-ին ԿՈՄՈ անշարժ գույքի գործակալության միջնորդությամբ Մանուկյան եղբայրներից մեկի ընտանիքն վաճառում է իր կողմից սեփականության իրավունքով տնօրինվող տան հատվածը, իսկ տան մյուս կողմում դեռ բնակվում է եղբայրներից մյուսի ընտանիքը։
Այս տան պատերից ներս, բակում ու այգում բազմաթիվ անգամներ հանդիպել, խրախճանքների ու ճաշկերույթների են մասնակցել Սովետական Հայաստանի մշակութային, գիտական ու քաղաքական ականավոր դեմքեր։ Այս տունն ունի պատմություն ու այս տան պատմությունը մեր քաղաքի պատմությունն է և այն կարող է դառնալ Ձերը։
Տուն այս պահին գտնվում է ակտիվ վերակառուցման ու վերանորոգման սկզբնական փուլում։ Ամրացվում են տան հիմքերը, փոխվում են ծածկերը՝ փայտից բետոն (բաղդադից բետոն)։ Տունը ինչպես նշվեց 1999-2000 թվականներին կառուցվել է բոլոր շինարարական նորմերին համապատասխան՝ ճարտարապետական նախագծի հիման վրա։ Բոլոր սյուներն ու կրող պատերը, քարից, երկաթից ու բետոնից են։ Կրող պատերի հաստությունը 60-80 սանտիմետր։ Տանիքն ամբողջությամբ փոխված է, իսկ ներկա վերանորոգումից հետո կրկին փոխվելու է, այսինքն տանիքից ջրի արտահոսք այս տանը երբեք չի եղել։
Այս տունը ունի երեք առանձին հասցե ու երեք առանձին վկայական, որոնք բոլորը պատկանում են մեկ սեփականատիրոջ։ Տան հասցեներն են՝ Զարոբյան 6, Զարոբյան 6/2 և Զարոբյան 6/3։ Տունը հանդիսանում է երկու առանձին՝ գազի, հոսանքի և ջրի բաժանորդ։ Տունը բաղկացած է երեք լիարժեք հարկերից և ձեղնահարկից։ Յուրաքանչյուր հարկը 60 քառակուսի մետր է։ Տան բակում տեղակայված են նաև օժանդակ շինություն և ավտոտնակ՝ յուրաքանչյուրը 40 քառակուսի մետր։ Տան բակի ընդհանուր մակերեսը 400 քառակուսի մետր է, որից 170 քառակուսի մետրը զբաղեցված է շինություններով, իսկ 230 քառակուսի մետրը հենց բակային տարածք է։ Տուն ունի 3 սեփականության վկայական, որոնք բոլորը մեկ անձի անունով են, ինչն էլ հեշտացնում է այս անշարժ գույքի հետ կապված ցանկացած գործարք (նախկինում տան տարբեր հարկեր պատկանել են տարբեր սեփականատերերի՝ Մանուկյանի ժառանգներին)։
