Մալխասյանց բնակելի համալիրն այս պահին բաղկացած է 14 հարկանի 2 կառուցված շենքերից՝ Մալխասյանց 4 և Մալխասյանց 6/1 հասցեներում։ Այս շենքերի անմիջապես հարևանությամբ՝ Մալխասյանց 8 հասցեում շուտով վեր կխոյանա համալիրի 3-րդ շենքը։ Մալխասյանց 4 շենքը շահագործման է հանձնվել 2021 թվականին և այս պահին գրեթե ամբողջությամբ բնակեցված է։ Մալխասյանց 6/1 շենքը շահագործման է հանձնվել 2025 թվականին։
Մալխասյանց համալիրը Երևանում հայտնի է հատկապես իր կանաչապատ բակով, 5 հարկերից բաղկացած վերգետնյա ավտոհանգրվանով և սեյսմակայունությամբ։ Մեքենաների մուտքն արգելված է Մալխասյանց համալիրի կանաչապատ բակ, իսկ ավտոհանգրվանի տանիքին առկա է ցանկապատված ու խոտածածկ ֆուտբոլի դաշտ։ Համալիրում գործում է շուրջօրյա անվտանգություն, ելքի/մուտքի կառավարման համակարգ, կա հեծանիվների առանձնացված կայանատեղի։
Բնակելի համալիրը կառավարվում է համատիրության կողմից, որն ունի ընտրված վարչություն, նախագահ և կառավարիչ։ Հավաքագրված գումարները ուղղվում են մաքրության, անվտանգության, կանաչ տարածքների խնամքի և պահպանման, վերանորոգման, գույքի ու տեխնիկայի սպասարկման և մի շարք այլ ծախսերի կատարմանը՝ որոնց ցանկը քննարկվում, կազմվում և հաստատվում է ամեն տարի ժողովի միջոցով։
Մալխասյանց համալիրը գտնվում են Մալխասյանց փողոցում, որը ներառված է Արաբկիր վարչական շրջանի մեջ։ Մոտակայքում են գտնվում սուպերմարկետներ, խանութներ, դպրոցներ, մանկապարտեզներ և այլն։
Փողոցն անվանակոչված է հանրահռչակ լեզվաբան, բառարանագիր, հայագետ ակադեմիկոս Ստեփան Մալխասյանցի պատվին։
